epostnp

३० असार, काठमाडौं — भूमि व्यवस्था, सहकारी, संघीय मामिला तथा सामान्य प्रशासन मन्त्रालयले लामो समयदेखि कार्यालयमा अनुपस्थित रहेका एक सहसचिवसँग स्पष्टीकरण माग गरेको छ। मन्त्रालयले सूचना जारी गर्दै ९० दिनभन्दा बढी समयदेखि कार्यालयमा अनुपस्थित रहेका सहसचिवस्तरका एक कर्मचारीविरुद्ध कानुनी प्रक्रिया अघि बढाइएको जनाएको हो। मन्त्रालयका अनुसार ती कर्मचारीलाई विभिन्न माध्यमबाट सम्पर्क गर्ने प्रयास गरिए पनि सम्पर्क हुन सकेको छैन। साथै, उनको तर्फबाट कुनै जानकारीसमेत प्राप्त नभएको बताइएको छ। उनी २०८२ माघ ११ गतेदेखि कार्यालयमा अनुपस्थित रहेका छन्। निजामती सेवा ऐन, २०४९ अनुसार यस्तो अवस्थामा सरकारी सेवाबाट हटाउने प्रक्रिया अघि बढाउन सकिने व्यवस्था रहेकाले सम्बन्धित कर्मचारीलाई १५ दिनभित्र चित्तबुझ्दो आधार र…

२८ असार, काठमाडौं — सरकारले लामो समयदेखि बन्द रहेको हेटौंडा कपडा उद्योग सञ्चालन गर्ने जिम्मेवारी नेपाली सेनालाई दिएको छ। असार १८ गते बसेको मन्त्रिपरिषद् बैठकले उद्योग सञ्चालनको जिम्मा सेनालाई दिने निर्णय गरेको हो। नेपाली सेनाका प्रवक्ता सहायक रथी राजाराम बस्नेतका अनुसार सरकारले सेनालाई तीन वटा जिम्मेवारी दिएको छ। पहिलो, उद्योगका मेसिनहरूको मर्मत–सम्भार गर्ने। दोस्रो, उत्पादन परीक्षणका लागि सम्भाव्यता अध्ययन तथा प्राविधिक प्रतिवेदन तयार गर्ने। तेस्रो, परीक्षण उत्पादन सुरु गर्ने। उनका अनुसार सबैभन्दा पहिले उद्योग सञ्चालनको सम्भाव्यता अध्ययन गरिनेछ। अध्ययनमा मेसिनहरूको अवस्था, प्रयोगयोग्यता, मर्मत गर्नुपर्ने मेसिन, त्यसका लागि लाग्ने समयलगायत विषय समेटिनेछन्। उद्योग, वाणिज्य तथा आपूर्ति मन्त्रालयअन्तर्गत रहेको हेटौंडा कपडा उद्योगप्रति…

२८ असार, काठमाडौं — होर्मुज जलसन्धिमा साइप्रसको झण्डावाहक एक कन्टेनर जहाजमाथि आक्रमण भएपछि अमेरिकी सेनाले इरानमाथि यसै साताको तेस्रो चरणको सैन्य हमला गरेको छ। अमेरिकी सेन्ट्रल कमाण्ड (सेन्टकम) ले उक्त सैन्य कारबाही भएको पुष्टि गरेको छ। सेन्टकमले सामाजिक सञ्जाल एक्समार्फत जारी गरेको विज्ञप्तिमा व्यावसायिक जहाजहरूमाथि भएका अघिल्ला आक्रमणका लागि इरानलाई जिम्मेवार ठहराउँदै त्यसबारे समझदारी ज्ञापन पत्र पालना गर्ने अवसर दिइएको भए पनि इरान त्यसमा पुनः असफल भएको उल्लेख गरेको छ। यसैबीच, इरानले अर्को सूचना जारी नभएसम्मका लागि होर्मुज जलसन्धि पूर्ण रूपमा बन्द गरिएको घोषणा गरेको छ। इरानको उक्त निर्णयपछि अमेरिकी रक्षा सचिव पिट हेगसेथले इरानले गलत निर्णय गरेको टिप्पणी गर्दै…

२८ असार, काठमाडौं — साविक विजेता अर्जेन्टिना फिफा विश्वकप २०२६ को सेमिफाइनलमा पुगेको छ। अमेरिकाको कान्सास सिटी स्टेडियममा आइतबार बिहान भएको अन्तिम क्वार्टरफाइनलमा अर्जेन्टिनाले स्विट्जरल्यान्डलाई ३–१ ले पराजित गर्दै सातौं पटक विश्वकपको सेमिफाइनलमा स्थान सुरक्षित गरेको हो। अर्जेन्टिनाको जितमा एलेक्सिस म्याक एलिस्टर, जुलियन अल्भारेज र लाउटारो मार्टिनेजले एक–एक गोल गरे। खेलको १०औं मिनेटमा कप्तान लियोनल मेसीको कर्नर प्रहारलाई एलेक्सिस म्याक एलिस्टरले हेडमार्फत गोल गर्दै अर्जेन्टिनालाई अग्रता दिलाएका थिए। स्विट्जरल्यान्डले ६७औं मिनेटमा खेल बराबरीमा ल्यायो। रिकार्डो रोड्रिगेजको असिस्टमा डान एनडोयेले गोल गर्दै टोलीलाई १–१ को अवस्थामा पुर्‍याएका थिए। ७२औं मिनेटमा ब्रेल एम्बोलोले दोस्रो पहेँलो कार्ड पाएपछि मैदान छाड्नुपरेको थियो। त्यसपछि स्विट्जरल्यान्ड…

२६ असार, काठमाडौं — फ्रान्सका कप्तान किलियन एमबाप्पे फिफा विश्वकपमा सबैभन्दा छिटो २० गोल पूरा गर्ने खेलाडी बनेका छन्। साथै, उनी विश्वकप इतिहासमा २० गोल गर्ने सबैभन्दा कान्छा खेलाडी पनि बनेका छन्। उत्तर अमेरिकामा भइरहेको २३औँ संस्करणको फिफा विश्वकपमा अर्जेन्टिनाका कप्तान लियोनल मेसीले लगातार विभिन्न कीर्तिमान बनाइरहेका बेला एमबाप्पेले पनि आफ्नो नाममा महत्वपूर्ण उपलब्धि थपिरहेका छन्। क्वाटरफाइनलमा मोरक्कोविरुद्ध फ्रान्सको २–० को जितमा एक गोल र एक असिस्ट गरेका एमबाप्पेले विश्वकपका थप कीर्तिमान आफ्नो नाममा लेखाएका हुन्। विश्वकपमा सर्वाधिक खेल, सर्वाधिक गोल, सर्वाधिक ६ पटक असिस्ट गर्ने खेलाडीलगायतका कीर्तिमान मेसीको नाममा रहँदा उनको चर्चा बढी भइरहेको छ। तर एमबाप्पेले केवल तीन…

२६ असार, काठमाडौं — पोखरा बसपार्क क्षेत्रमा बसोबास गरिरहेका सुकुमबासीहरूको अवस्था अध्ययन गर्न गठित समितिले आफ्नो प्रतिवेदन नगर प्रमुख धनराज आचार्यलाई बुझाएको छ। करिब डेढ महिनाको अध्ययनपछि प्रतिवेदन तयार गरिएको हो। महानगरपालिकाको प्रशासन महाशाखा प्रमुख तथा समितिका संयोजक कृष्ण तिवारीको नेतृत्वमा गरिएको अध्ययनले बसपार्क क्षेत्रमा बस्दै आएका २३३ परिवारको नाममा अन्यत्र पनि जग्गा रहेको देखाएको छ। छानबिनका क्रममा वडा कार्यालयबाट सिफारिस भएका ५७४ वटा निवेदनको विस्तृत अध्ययन गरिएको थियो। समितिले जिल्ला प्रशासन कार्यालयको केन्द्रीय नागरिकता सूचना प्रणाली र भूमि प्रशासन कार्यालयको भूमि अभिलेख सूचना प्रणालीमार्फत आवेदकहरूको विवरण अध्ययन गरी प्रतिवेदन तयार गरेको हो। संयोजक तिवारीका अनुसार सरकारी डिजिटल प्रणालीमार्फत विवरण…

२५ असार, काठमाडौं — सरकारले चार वटा ऐन र एउटा नियमावली खारेज गर्ने तयारी गरेको छ। यसका लागि अर्थमन्त्री डा. स्वर्णिम वाग्लेले ‘अर्थ सम्बन्धी केही नेपाल कानुनलाई संशोधन र खारेज गर्न बनेको विधेयक’ संसद्मा प्रस्तुत गरेका छन्। विधेयकको दफा ५ मा ऐन तथा नियमावली खारेज गर्ने र त्यससँग सम्बन्धित बचाउका प्रावधान समावेश गरिएको छ। विधेयकमा निम्न चार वटा ऐन खारेज गर्ने प्रस्ताव गरिएको छः प्रादेशिक विकास योजनाहरू (कार्यान्वित गर्ने) ऐन, २०१३ नेपाली मुद्राको चलनचल्ती बढाउने ऐन, २०१४ आय टिकट दस्तुर ऐन, २०१९ राजस्व चुहावट (अनुसन्धान तथा नियन्त्रण) ऐन, २०५२ वित्तीय मध्यस्थताको काम गर्ने संस्था सम्बन्धी ऐन, २०५५ यससँगै राजस्व चुहावट…

२५ असार, काठमाडौं — सभामुख डोलप्रसाद अर्यालले संसद्मा विरोध गर्ने शैली परिवर्तन गर्न विपक्षी दलहरूलाई आग्रह गरेका छन्। प्रधानमन्त्री बालेन्द्र शाह (बालेन) को सीमा विवादसम्बन्धी अभिव्यक्तिमाथि प्रश्न उठाउँदै विपक्षी दलहरूले पछिल्ला ४० दिनदेखि प्रतिनिधिसभा बैठकको सुरुमै विरोध जनाउँदै आएका छन्। लगातार एउटै विषयमा सबै विपक्षी सांसदहरूले बोल्दै विरोध गर्दै आएपछि सभामुख अर्यालले बिहीबार विपक्षी दलको तर्फबाट एक जनाले मात्रै धारणा राख्ने र त्यसपछि बैठकको नियमित कार्यसूची अघि बढाउने प्रस्ताव गरेका थिए। सोही प्रस्तावअनुसार सभामुखले नेपाली कांग्रेसकी सांसद हरिनादेवी कामीलाई बोल्न समय दिएका थिए। तर, विपक्षी दलहरूले एक जनाले मात्रै बोल्ने प्रस्तावमा सहमति जनाएनन्। त्यसपछि सभामुख अर्यालले विरोध गर्ने शैलीमा परिवर्तन…

२५ असार, काठमाडौं — नेकपा एमालेको निर्वाचन समीक्षा तथा पार्टी पुनर्गठन सम्बन्धी सुझाव संकलन कार्यदलको बैठक आज बस्ने भएको छ। पार्टीका प्रचार विभाग प्रमुख निरज आचार्यका अनुसार बैठक बिहान ११ बजे केन्द्रीय कार्यालय च्यासलमा आयोजना गरिएको छ। गत १० असारमा बसेको सचिवालय बैठकले पार्टी पुनर्गठनका विषयमा कार्यकर्ताबाट सुझाव संकलन गर्ने निर्णय गरेको थियो। सोही निर्णयअनुसार राजधानी विशेषसहित आठै प्रदेश, जनसंगठन, विभाग, प्रवास कमिटी तथा सल्लाहकारहरूबाट सुझाव संकलन गरिएको छ। उपाध्यक्ष रामबहादुर थापाको नेतृत्वमा रहेको कार्यदलले संकलित सुझावलाई समेटेर प्रतिवेदन तयार गर्ने विषयमा आजको बैठकमा छलफल गर्नेछ।

काठमाडौं, २४ असार — नेपाल टेलिकम र एनसेलले चरणबद्ध रूपमा थ्रीजी (3G) सेवा बन्द गर्ने तयारी गरेका छन्। दुवै कम्पनीका अनुसार पुरानो प्रविधिलाई हटाएर फोरजी (4G) सेवाको विस्तार गर्ने तथा भविष्यमा फाइभजी (5G) सञ्चालनका लागि आवश्यक नेटवर्क क्षमता विकास गर्न थ्रीजी सेवा बन्द गर्न लागिएको हो। विश्वभर पनि पुराना मोबाइल प्रविधिलाई क्रमशः विस्थापन गर्दै उच्च क्षमतायुक्त नेटवर्कमा लगानी बढाउने प्रवृत्ति बढिरहेको छ। थ्रीजी सेवा बन्द भएपछि टेलिकम कम्पनीहरूले टुजी (2G) र फोरजी (4G) सेवा सञ्चालनमा राख्नेछन् भने भविष्यमा फाइभजी सेवा विस्तारको तयारीसमेत गरिरहेका छन्। दूरसञ्चार क्षेत्रका सरोकारवालाका अनुसार अहिलेको आवश्यकताअनुसार थ्रीजी प्रविधि कम प्रभावकारी बन्दै गएको छ। फोरजीको तुलनामा थ्रीजीले…