epostnp

१९ असोज, काठमाडौं — नेपाली कांग्रेसका सभापति गगन थापाले प्रस्तुत गरेको राजनीतिक प्रतिवेदन केन्द्रीय समिति बैठकले सर्वसम्मत रूपमा पारित गरेको छ। खुलामञ्चमा बसेको केन्द्रीय समिति बैठकले प्रतिवेदन सर्वसम्मत पारित गरेको सहमहामन्त्री कर्णबहादुर बुढाले जानकारी दिए। उक्त प्रतिवेदन आजैदेखि सुरु हुने बन्दसत्रमा प्रस्तुत गरिनेछ। आगामी चार वर्षका लागि कांग्रेसको राजनीतिक, वैचारिक, संगठनात्मक तथा आर्थिक कार्यदिशा समेटिएको प्रतिवेदनमा विगतको आत्मसमीक्षा, सरकारलाई खबरदारी, निर्वाचनअघि गठबन्धन नगर्ने नीति, पार्टीको पुनर्संरचना, निजी क्षेत्रसँग सहकार्य, युवाको सहभागिता तथा ‘समुन्नत नेपाल, सम्मानित नेपाली’को अवधारणालगायत विषय समेटिएका छन्। सहमहामन्त्री कर्णबहादुर बुढाका अनुसार खाना खानका लागि केन्द्रीय समिति बैठक अहिले स्थगित गरिएको छ। खाना खाइसकेपछि बैठक पुनः सञ्चालन हुने…

१९ असोज, काठमाडौं — प्रधानन्यायाधीश मनोजकुमार केसीले न्याय परिषद्को बैठक बोलाएका छन्। बैठक मंगलबार दिउँसो १ बजे बस्ने गरी बोलाइएको हो। सर्वोच्च अदालतमा रिक्त न्यायाधीश पदमा नियुक्तिका लागि सिफारिस गर्नेलगायत विषयमा छलफल गर्न बैठक बस्न लागेको स्रोतले जनाएको छ। हाल सर्वोच्च अदालतमा चार न्यायाधीशको पद रिक्त छ। प्रधानन्यायाधीश मनोजकुमार शर्मा अध्यक्ष रहेको न्याय परिषद्मा कानुन मन्त्री सोविता गौतम, सर्वोच्च अदालतका वरिष्ठतम न्यायाधीश सपना प्रधान मल्ल, महेशकुमार नेपाल र दामोदर खड्का सदस्य छन्।

१८ असोज, काठमाडौं — नेपाली कांग्रेसको १५औँ महाधिवेशन आजदेखि सुरु हुँदैछ। महाधिवेशनका लागि काठमाडौंको खुलामञ्च सजाइएको छ भने प्रतिनिधिहरू आउने क्रम जारी छ। उम्मेदवारी घोषणा गरेका नेताका समर्थक तथा प्रतिनिधिहरूले आफ्नो पक्षमा मत मागिरहेका छन्। महाधिवेशनको उद्घाटन सत्र दिउँसो २ बजे तय गरिएको छ। उद्घाटन समारोहमा सहभागी हुन विभिन्न राजनीतिक दलका प्रमुख तथा विभिन्न देशका प्रतिनिधिहरू खुलामञ्च पुग्दैछन्। महाधिवेशन व्यवस्थापनका लागि ठूलो संख्यामा स्वयंसेवक र सुरक्षाकर्मी परिचालन गरिएको छ।

१८ असोज, काठमाडौं — अस्ट्रेलिया सरकारले अन्तर्राष्ट्रिय विद्यार्थीको भिसा प्रणालीमा थप कडाइ गरेको छ। आप्रवासन नियन्त्रण र विद्यार्थी भिसाको दुरुपयोग रोक्ने उद्देश्यले अक्टोबर २ देखि नयाँ नियम लागू गरिएको हो। नयाँ व्यवस्थाअनुसार अस्ट्रेलियामा रहेका अधिकांश अस्थायी भिसावाहकले त्यहीँबाट विद्यार्थी भिसाका लागि आवेदन दिन पाउने छैनन्। उनीहरूले अस्ट्रेलियाबाहिरबाटै आवेदन दिनुपर्नेछ। एउटै तहका कोर्स पटक–पटक परिवर्तन गरेर लामो समय अस्ट्रेलियामा बस्ने प्रवृत्ति रोक्न पनि नियम कडा पारिएको छ। तर हालको कोर्स पूरा गरी उच्च तहको अध्ययनमा जाने विद्यार्थीलाई भने अस्ट्रेलियाभित्रैबाट अर्को भिसाका लागि आवेदन दिने सुविधा कायम राखिएको छ। यस्तै, कोर्स पूरा गर्न १२ महिना वा सोभन्दा कम समय बाँकी रहेका र…

१६ असोज, काठमाडौं — परराष्ट्रमन्त्री शिशिर खनालले संयुक्त राष्ट्रसंघको ८१औँ महासभामा नेपालको सहभागिता र त्यहाँ उठाइएका विषयबारे संसद्लाई जानकारी गराएका छन्। शुक्रबार प्रतिनिधिसभा बैठकमा बोल्दै मन्त्री खनालले महासभामा प्रधानमन्त्री बालेन शाहले नेपालको प्रतिनिधित्व गर्दै जलवायु संकट, जलवायु न्याय र नेपालको राष्ट्रिय हितका विषय उठाएको बताए। प्रधानमन्त्री शाहले भोटेकोशीमा आएको विनाशकारी बाढीलाई जलवायु संकटको गम्भीर प्रभावका रूपमा प्रस्तुत गर्दै त्यसबाट भएको जनधनको क्षति, पूर्वाधार तथा जनजीविकामा परेको असरबारे अन्तर्राष्ट्रिय समुदायको ध्यानाकर्षण गराएका थिए। नेपालले विश्वव्यापी हरितगृह ग्यास उत्सर्जनमा ०.१ प्रतिशतभन्दा कम योगदान गरे पनि जलवायु परिवर्तनका गम्भीर असर भोगिरहेको उल्लेख गर्दै प्रधानमन्त्रीले जलवायु परिवर्तन नेपालको विकासका लागि समेत चुनौती बनेको बताएका…

१५ असोज, काठमाडौं — पछिल्लो दुई महिनादेखि नेपालले लगातार प्राकृतिक विपद्को सामना गरिरहेको भए पनि पर्यटक आगमनमा भने सुधार देखिएको छ। नेपाल पर्यटन बोर्डका अनुसार सन् २०२६ को सेप्टेम्बरमा ८८ हजार २ सय ४८ पर्यटक नेपाल आएका छन्। यो संख्या सन् २०२५ को सोही महिनाको तुलनामा १२.१ प्रतिशत बढी हो। क्षेत्रगत रूपमा हेर्दा दक्षिण एसियाली मुलुकबाट आउने पर्यटकको संख्या २३.९ प्रतिशतले बढेको छ। गत वर्ष सेप्टेम्बरमा यस क्षेत्रबाट २४ हजार २ सय ८५ पर्यटक नेपाल आएकोमा यस वर्ष ३० हजार ८५ पुगेको छ। तथ्यांकले सार्कसहित अन्य एसियाली मुलुकबाट पर्यटक आगमन बढेको देखाएको छ। तर, अमेरिका र युरोपबाट आउने पर्यटकको संख्या…

१५ असोज, काठमाडौं — रसुवा बाढीका कारण क्षतिग्रस्त गल्छी–बेत्रावती सडकखण्डमा ट्र्याक खोलिएको छ। ट्र्याक खुलेसँगै उक्त सडकखण्डमा सर्वसाधारणको आवतजावत पनि सुरु भएको पूर्वाधार विकासमन्त्री सुनिल लम्सालले जानकारी दिएका छन्। मन्त्री लम्सालको सचिवालयका अनुसार रसुवासँग जोडिने प्रमुख सडकमार्गका रूपमा रहेको यो खण्डमा ट्र्याक खुले पनि सडकको ग्रेड मिलाउने र ग्राभेल हाल्ने काम भने अझै बाँकी छ। सडक निर्माण तथा मर्मतको काम भइरहेका बेला ठूलो संख्यामा सवारीसाधन सञ्चालन हुँदा निर्माण कार्य प्रभावित भइरहेको भन्दै मन्त्री लम्सालले आवश्यक सहजीकरण गरिदिन सबैसँग आग्रह गरेका छन्। ट्र्याक खोल्ने काम पूरा भएसँगै सडकखण्डमा बेलिब्रिज जडानको काम पनि अघि बढाइएको छ। नुवाकोटतर्फ बेलिब्रिज निर्माणका लागि फाउन्डेसन तयार…

१४ असोज, काठमाडौं — प्रधानमन्त्री वालेन्द्र शाह (बालेन)ले नेपालमा रासायनिक मल कारखाना स्थापना गर्ने प्रक्रिया अघि बढिरहेको बताएका छन्। उनका अनुसार सरकारले कारखाना स्थापनाका लागि चाँडै प्रस्ताव आह्वान गर्ने तयारी गरेको छ। बुधबार सिंहदरबारमा इन्जिनियरिङ पृष्ठभूमिका सांसदहरूसँग भएको छलफलका क्रममा प्रधानमन्त्री शाहले यस्तो जानकारी दिएका हुन्। छलफलमा सहभागी रास्वपा सांसद डा. राम लामाले प्रधानमन्त्रीको भनाइ उद्धृत गर्दै भने, ‘मल कारखाना खोल्नका लागि सरकारले चाँडै नै प्रस्ताव आह्वान गर्नेछ।’ छलफलका क्रममा रासायनिक मल कारखाना स्थापनासँगै विद्युत् खपत बढाउने आयोजना तथा योजनालाई सरकारले आवश्यक सहुलियत दिने तयारी गरेको विषयमा पनि प्रधानमन्त्रीले जानकारी गराएका थिए। वर्तमान सरकारले निजी क्षेत्रसँगको सहकार्यमा नेपालमा रासायनिक मल…

१४ असोज, काठमाडौं — परराष्ट्रमन्त्री शिशिर खनालले भोटेकोशी बाढीपछिको पुनर्निर्माण र जलवायु संकटविरुद्ध जुध्न अन्तर्राष्ट्रिय समुदायले नेपाललाई सहयोग गर्न गहिरो चासो देखाएको बताएका छन्। संयुक्त राष्ट्रसंघको ८१औँ महासभामा सहभागी भई बुधबार स्वदेश फर्कने क्रममा त्रिभुवन अन्तर्राष्ट्रिय विमानस्थलमा सञ्चारकर्मीहरूसँग कुरा गर्दै मन्त्री खनालले यस्तो बताएका हुन्। महासभाका क्रममा भएका साइडलाइन तथा द्विपक्षीय भेटवार्ताहरूमा भोटेकोशी बाढीले पुर्‍याएको क्षतिबारे विश्व समुदायले गम्भीर चासो र ऐक्यबद्धता प्रकट गरेको उनले जानकारी दिए। ‘भेटघाटको क्रममा भोटेकोशी बाढीको क्षतिबारे अन्तर्राष्ट्रिय समुदायको चासो र नेपालमा परेको दुःखप्रति सबैले ऐक्यबद्धता जनाउनुभएको थियो,’ मन्त्री खनालले भने, ‘नेपालमा परेको अप्ठ्यारोमा हामीले कसरी सहयोग गर्न सक्छौं भनेर मेरा सबैखाले औपचारिक र अनौपचारिक…

१४ असोज, काठमाडौं — कञ्चनपुरको दोधारा चाँदनी र भीमदत्तनगरलाई जोड्ने झोलुङ्गे पुलको एक भाग भत्किएको छ। महाकाली नदीमा आएको बाढीका कारण आज बिहान करिब ८ बजे पुलको एक भाग पूर्ण रूपमा भत्किएको हो। प्रत्यक्षदर्शीका अनुसार नदीको बीचमा रहेको पुलको एउटा पिलर भत्किएपछि त्यससँगै पुलको भाग पनि नदीमा बगेको हो। प्रहरीका अनुसार भीमदत्त नगरपालिका–१३ तर्फबाट छैटौं नम्बर र दोधारा चाँदनी गाउँपालिकातर्फबाट तेस्रो नम्बरको भाग भत्किएको छ। सुदूरपश्चिम प्रदेशको यातायात पूर्वाधार निर्देशनालयका निर्देशक जगतप्रसाद जोशीले पुलमा पुगेको क्षतिको अध्ययन गर्न प्राविधिक टोली पठाउने तयारी भइरहेको जानकारी दिए। उनले अनलाइनखबरसँग भने, ‘मैले पनि सिडिओ सा’बबाट झोलुङ्गे पुलमा पुगेको क्षतिबारे जानकारी पाएँ। जानकारी पाउनेबित्तिकै…