Breaking News 2

१२ असोज, काठमाडौं — कालीगण्डकी नदीमा पानीको बहाव घटेपछि स्याङ्जाको बेल्टारीमा रहेको १४४ मेगावाट क्षमताको कालीगण्डकी ‘ए’ जलविद्युत् आयोजनाले आजदेखि विद्युत् उत्पादन पुनः सुरु गर्ने भएको छ। कालीगण्डकी गाउँपालिका–५ बेल्टारीमा रहेको आयोजनाले लगातार चार दिनसम्म परेको वर्षाका कारण नदीमा पानीको बहाव बढेपछि विद्युत् उत्पादन बन्द गरेको थियो। कालीगण्डकी ‘ए’ जलविद्युत् केन्द्रका प्रमुख आत्मेस पौडेलका अनुसार नदीमा पानीको बहाव अत्यधिक बढेपछि जोखिम हुन नदिन उत्पादन रोकिएको थियो। अहिले नदीको सतह घट्दै गएपछि सुरुङभित्र जमेको हिलो हटाउने र पावर हाउसको अवस्था निरीक्षण गरी उत्पादन सुरु गर्न लागिएको उनले बताए। बाढीपछि आयोजनाको अवस्थाबारे प्राविधिक टोलीले निरीक्षण गरिसकेकाले अब विद्युत् उत्पादन सुरु गर्न सकिने…

११ असोज, काठमाडौं — निरन्तरको वर्षा, हावाहुरी, बाढी र पहिरोका कारण नेपाल टेलिकमको दूरसञ्चार सेवा विभिन्न स्थानमा प्रभावित भएको छ। नेपाल टेलिकमका अनुसार २०८३ असोज ८ गतेदेखि जारी वर्षा र हावाहुरीका कारण देशका विभिन्न स्थानमा दूरसञ्चार सेवा अवरुद्ध भएको हो। भारी वर्षा र पहिरोका कारण प्रभावित क्षेत्रमा प्राविधिक टोली पुग्न कठिनाइ भएको तथा अप्टिकल फाइबरमा क्षति पुगेको टेलिकमले जनाएको छ। त्यस्तै, विद्युत् आपूर्तिमा आएको अवरोध तथा हिमपात, वर्षा र बादलका कारण सोलार साइटको प्रभावकारिता घट्दा पनि सेवा सञ्चालनमा समस्या देखिएको कम्पनीले जनाएको छ। टेलिकमका अनुसार प्राविधिक रूपमा सिस्टमबाट गर्न सकिने मर्मतसम्भारका काम जारी छन्। सम्भव भएका स्थानमा सेवाको मर्मतकार्यसमेत भइरहेको…

९ असोज, काठमाडौं — अविरल वर्षासँगै आएको बाढी र पहिरोका कारण बीपी राजमार्ग अवरुद्ध भएपछि धुलिखेल चोकमा सवारीसाधन ‘होल्ड’ गरिएको छ। वर्षाका कारण राजमार्गका विभिन्न स्थानमा पहिरो र लेदो खस्नुका साथै रोशी खोलाले सडक कटान गरेपछि बीपी राजमार्ग अवरुद्ध भएको हो। राजमार्ग अवरुद्ध भएपछि काठमाडौं हुँदै धुलिखेलबाट पूर्वतर्फ जाने सवारीसाधनलाई धुलिखेलमै रोकिएको जिल्ला प्रहरी प्रमुख एसपी रविन कार्कीले जानकारी दिए। उनका अनुसार नमोबुद्ध–६ को चौकीडाँडा, रोशी–७ को चारसयवेशी, रोशी–८ को गिम्दीवेशी र रोशी–११ को माम्तीमा पहिरो खसेपछि राजमार्ग पूर्णरूपमा अवरुद्ध भएको छ। चौकीडाँडामा रोशी खोलाले डाइभर्सनसमेत कटान गरेको छ। अहिले पनि वर्षा जारी रहेकाले पहिरो हटाउन समय लाग्ने प्रहरीले जनाएको…

८ असोज, काठमाडौं — ताप्लेजुङको मेरिङदेन गाउँपालिका–३ स्थित दोभान बजारमा भीषण आगलागी भएको छ। आगलागीमा परी करिब १० घर जलेका छन्। आगो नियन्त्रणमा लिन सुरक्षाकर्मीको टोली परिचालन गरिएको छ। सशस्त्र प्रहरी बल नेपाल नं. १ कञ्चनजंघा गुल्मबाट सुरक्षाकर्मी परिचालन गरिएको सशस्त्र प्रहरीका सहप्रवक्ता शैलेन्द्र थापाले जानकारी दिए। दोभानमा करिब ५० घरधुरी रहेको बताइएको छ। प्रमुख जिल्ला अधिकारी उमेशकुमार दाहालका अनुसार नेपाली सेना, नेपाल प्रहरी, सशस्त्र प्रहरी र स्थानीयवासीको संयुक्त प्रयासमा आगो नियन्त्रणमा लिने काम भइरहेको छ। आगो निभाउन दमकलसमेत प्रयोग गरिएको उनले बताए।

६ असोज, काठमाडौं — संयुक्त राष्ट्रसंघको ८१औँ महासभामा सहभागी हुन उच्चस्तरीय नेपाली प्रतिनिधिमण्डलको नेतृत्व गर्दै प्रधानमन्त्री बालेन्द्र शाह आज संयुक्त राज्य अमेरिकाको न्युयोर्क प्रस्थान गर्दैछन्। प्रधानमन्त्री शाहसँग प्रमुख सल्लाहकार कुमार ब्यञ्जनकार, प्रमुख स्वकीय सचिव सुवास शर्मा, निजी सचिव प्रदीप परियार, फोटोग्राफर विनय शाक्यलगायत रहनेछन्। प्रधानमन्त्री शाह त्रिभुवन अन्तर्राष्ट्रिय विमानस्थलबाट आज अपराह्न ४ः१५ बजेको कतार एयरवेजको उडानमार्फत अमेरिका प्रस्थान गर्नेछन्। उनले महासभाको उच्चस्तरीय सत्रलाई असोज ८ गते (सेप्टेम्बर २४) सम्बोधन गर्ने कार्यक्रम छ। प्रधानमन्त्रीको नेतृत्वमा जाने नेपाली प्रतिनिधिमण्डलमा परराष्ट्रमन्त्री शिशिर खनालसहितको सहभागिता रहनेछ। न्युयोर्कमा रहँदा प्रधानमन्त्री शाहले संयुक्त राष्ट्रसंघका महासचिव एन्टोनियो गुटेरेससँग भेटवार्ता गर्ने कार्यक्रम तय भएको छ। प्रधानमन्त्री शाह असोज…

२६ भदौ, काठमाडौं — सोलुखुम्बुको महाकुलुङ गाउँपालिका–२ र ४ को बीचमा पहिरो खसेपछि कृत्रिम ताल बनेको छ। सहायक प्रमुख जिल्ला अधिकारी देवेन्द्र सुवेदीका अनुसार शुक्रबार बिहान करिब ७ बजे गौरीशंकर हाइड्रोपावरको हेड अफिसभन्दा करिब १०० मिटर तल पर्ने हुंगा खोलामा पहिरो खसेको हो। पहिरो खसेपछि खोलामा पानी जमेर १०० मिटरभन्दा लामो ताल बनेको उनले जानकारी दिए। तालको गहिराइ भने यकिन हुन सकेको छैन। प्रारम्भिक अनुमानमा गहिराइ ४० देखि ५० मिटरसम्म हुन सक्ने बताइएको छ। उनका अनुसार पहिरो एकपटक खसेपछि अहिले रोकिएको छ। उक्त क्षेत्र सदरमुकामबाट निकै टाढा रहेकाले नदी तटीय क्षेत्र र आसपासका बस्तीमा सतर्कता अपनाउन भनिएको छ। सम्भावित जोखिमलाई…

२५ भदौ, काठमाडौं — स्ट्रेट अफ हर्मुजमा अमेरिका र इरानबीच युद्ध सुरु भएयताकै ठूलो समुद्री आक्रमणको शृंखला भएको छ। अमेरिका र इरान दुवैले एकअर्काका पानीजहाज तथा तेल ट्यांकरलाई निशाना बनाएपछि हर्मुजमा तनाव बढेको रोयटर्सले जनाएको छ। अमेरिकाले इरानका पाँच वटा तेल ट्यांकरमाथि आक्रमण गरेको छ भने इरानले पछिल्लो एक सातामा अमेरिका तथा अन्य देशका १० वटा तेल ट्यांकरमाथि आक्रमण गरेको जनाएको छ। आक्रमणका क्रममा कम्तीमा एक चालक दलका सदस्यको मृत्यु भएको र अर्का एक जना बेपत्ता छन्। तनाव बढेसँगै अन्तर्राष्ट्रिय बजारमा कच्चा तेलको मूल्य प्रतिब्यारेल १०० डलरभन्दा माथि पुगेको छ। हर्मुज हुँदै हुने तेलको प्रवाह पनि दैनिक २० लाख ब्यारेलसम्म…

२४ भदौ, काठमाडौं — नेकपा एमालेका अध्यक्ष केपी शर्मा ओलीले गत वर्षको भदौ २४ गतेलाई कहाली लाग्दो विध्वंस भएको दिनका रूपमा स्मरण गरेका छन्। भिडियो सन्देश जारी गर्दै उनले भनेका छन्, ‘गत वर्ष आजकै दिन राज्यका आधारस्तम्भ, लोकतन्त्रका धरोहर र राष्ट्रिय अर्थतन्त्रको मेरुदण्डमाथि सर्वाधिक ठूलो आक्रमण र विध्वंस भएको थियो।’ गत वर्ष भदौ २३ र २४ गते जेनजी आन्दोलन भएको थियो। भदौ २४ गते सरकारी तथा निजी सम्पत्तिमाथि व्यापक तोडफोड र आगजनी भएको थियो। एमाले अध्यक्ष ओलीले उक्त घटनालाई विध्वंसका रूपमा उल्लेख गरेका छन्। दुःखद घटनाको एक वर्ष पूरा भएको उल्लेख गर्दै उनले गत वर्ष भदौ २३ गतेको प्रदर्शनपछिको घटनाक्रममा…

२३ भदौ, काठमाडौं — ब्रह्माकुमारी राजयोग सेवा केन्द्र, नेपालले बाढीपीडितका लागि एक करोड एक लाख रुपैयाँ सहयोग गरेको छ। प्रभावित समुदायको पुनर्निर्माण तथा पुनर्स्थापनाका लागि केन्द्रले उक्त रकम प्रधानमन्त्री राहत कोषमा जम्मा गरेको हो। केन्द्रका तर्फबाट राजयोगिनी दिदी किरणले अर्थमन्त्री डा. स्वर्णिम वाग्लेलाई चेक हस्तान्तरण गरेकी थिइन्। यसैबीच, ब्रह्माकुमारी नेपालले भदौ २० गते शनिबार भोटेकोशी नदीमा आएको बाढीमा परी ज्यान गुमाएकाहरूको सम्झनामा श्रद्धाञ्जली कार्यक्रमसमेत आयोजना गरेको थियो। ललितपुरको सातदोबाटोस्थित वीरेन्द्र अन्तर्राष्ट्रिय स्विमिङ कम्प्लेक्सको हलमा आयोजित कार्यक्रममा एक हजारभन्दा बढी राजयोगी तपस्वी, प्रजापिता ब्रह्माकुमारी तथा ब्रह्माकुमार सहभागी थिए। कार्यक्रममा सहभागीहरूले ‘ॐ’ ध्वनिसहित योग–तपस्या, मौनधारण तथा दीप प्रज्वलन गर्दै दिवंगत आत्माप्रति श्रद्धाञ्जली…

२२ भदौ, काठमाडौं — बहुप्रतीक्षित नेपाल प्रिमियर लिग (एनपीएल) को आधिकारिक प्रसारण अधिकार (ब्रोडकास्ट राइट्स) हिमालय स्पोर्ट्स (हिमालय टिभी) ले प्राप्त गरेको छ। सोमबार नेपाल क्रिकेट संघ (क्यान) को कार्यालयमा बोलपत्र खोल्दा हिमालय स्पोर्ट्सले करसहित १७ करोड २४ लाख रुपैयाँ अर्थात् १७.२४ करोड रुपैयाँको बोली लगाउँदै प्रतियोगिताको प्रसारण अधिकार सुरक्षित गरेको हो। कम्पनीले सोमबार जारी गरेको आधिकारिक विज्ञप्तिमा एनपीएलको प्रसारण अधिकार प्राप्त गर्नु आफ्ना लागि गर्वको विषय भएको जनाएको छ। विज्ञप्तिअनुसार हिमालय स्पोर्ट्सले कबोल गरेको रकम गत वर्षको प्रसारण अधिकार मूल्यभन्दा पाँच गुणाभन्दा बढी रहेको छ। यो रकम यस वर्षका लागि तोकिएको न्यूनतम बोलकबोल रकमभन्दा पनि झण्डै साढे दुई गुणा…