३२ असार, काठमाडौं — सुदूरपश्चिम प्रदेशमा नेपाल कम्युनिस्ट पार्टी (नेकपा) संसदीय दलको बैठक आज बस्ने भएको छ। बिहान ११ बजे संसदीय दलको कार्यालयमा हुने बैठकमा पछिल्लो सत्ता समीकरण तथा बजेटसम्बन्धी विषयमा छलफल गरिने जनाइएको छ। बुधबार मुख्यमन्त्री कमलबहादुर शाहले एमालेका मन्त्रीहरूलाई पदमुक्त गरेपछि एमालेले सरकारलाई दिएको समर्थन फिर्ता लिएको थियो। त्यसपछि अल्पमतमा परेका मुख्यमन्त्री शाहले प्रमुख प्रतिपक्षी नेकपासँग सत्ता सहकार्यका लागि प्रस्ताव गरेका छन्। मुख्यमन्त्री शाहले चालु आर्थिक वर्षको बजेट पारित गर्न सहयोग गर्न र त्यसपछि सत्ता सहकार्य गर्ने प्रस्ताव राखेका थिए। तर नेकपाले उक्त प्रस्ताव स्वीकार गरेको छैन। यद्यपि सत्ता समीकरणबारे दुवै पक्षका नेताहरूबीच अनौपचारिक छलफल भने निरन्तर भइरहेको…
