१६ मंसिर, काठमाडौं− प्रधानमन्त्री सुशीला कार्कीले सर्वोच्च अदालतमा पेस गरेको लिखित जवाफमा आफू संविधानअनुरूप नै प्रधानमन्त्री बनेको स्पष्ट गरेकी छन्। उनले भनिन्, ‘यो सरकार नियमित अवस्थामा बन्ने सरकारभन्दा अलग प्रकृतिको हो । म प्रधानमन्त्रीका रूपमा अविच्छिन्न सरकार चलाउने गरी नियुक्त भएकी होइन ।’ प्रधानमन्त्री तथा प्रधानमन्त्री तथा मन्त्रिपरिषद्को कार्यालयको तर्फबाट कानुनसचिव फडिन्द्र गौतमले पनि यही बेहोराको लिखित जवाफ सर्वोच्चमा बुझाएका छन्। दुवैले पेस गरेको जवाफमा कार्की २७ भदौमा प्रधानमन्त्री नियुक्त भएको र उनको सरकार नियमित रूपमा गठन हुने सरकारभन्दा फरक रहेको दाबी दोहोर्याइएको छ। कार्की नेतृत्वको सरकारको समर्थन गर्दै प्रतिनिधिसभा विघटन गलत नभएको तर्क पनि त्यसमा राखिएको छ। सरकार चुनावी…
