२ साउन, काठमाडौं - गत आर्थिक वर्ष २०८०/८१ मा सात लाख ४१ हजार ३०२ जना नेपाली वैदेशिक रोजगारीमा गएका छन् । वैदेशिक रोजगार विभागका अनुसार, २०८० साउन १ गतेदेखि २०८१ असार मसान्तसम्मको अवधिमा उनीहरू श्रम स्वीकृति लिएर वैदेशिक रोजगारीमा गएका हुन् । अघिल्लो आर्थिक वर्ष २०७९/८० को तुलनामा गत आर्थिक वर्ष २०८०/८१ मा वैदेशिक रोजगारीमा जानेको संख्या ३.८९ प्रतिशतले घटेको छ । विभागका अनुसार अघिल्लो आर्थिक वर्ष २०७९/८० मा सात लाख ७१ हजार ३२७ जना नेपाली श्रम स्वीकृति लिएर वैदेशिक रोजगारीमा गएका थिए । अघिल्लो आर्थिक वर्षको तुलनामा गत आर्थिक वर्ष वैदेशिक रोजगारीमा जानेको संख्या ३० हजार २५ जनाले कम देखिएको…
