१७ मंसिर, काठमाडौं — नयाँ दिल्लीस्थित इन्दिरा गान्धी अन्तर्राष्ट्रिय विमानस्थलले तेस्रो मुलुकतर्फ यात्रा गर्ने नेपाली यात्रुहरूका लागि विशेष ट्रान्जिट डेस्क सञ्चालनमा ल्याएको छ। नेपाली नागरिकका लागि ट्रान्जिट प्रक्रिया सरल बनाउने, अनावश्यक ढिलाइ हटाउने र अन्तर्राष्ट्रिय यात्रा झनै सहज बनाउने उद्देश्यले यो नयाँ सुविधा सुरु गरिएको हो। नेपाली दूतावासको समन्वयमा संचालित उक्त ट्रान्जिट डेस्कले यात्रुको यात्रा कागजात प्रमाणीकरण, मार्गनिर्देशन तथा सुरक्षासम्बन्धी आवश्यक सहयोग प्रदान गर्नेछ। हालका वर्षहरूमा गल्फ, युरोप, अमेरिका तथा विभिन्न एसियाली देशहरू तर्फ दिल्ली हुँदै यात्रा गर्ने नेपालीको संख्या बढ्दो रहेकाले कागजात अपुरो वा त्रुटि भएका कारण उडान छुट्ने समस्याबाट यात्रु बचाउन यो सुविधा प्रभावकारी हुने अपेक्षा गरिएको छ।…
