२ पुस, काठमाण्डौं – मेटाले आफ्नो फेसबुक र इन्स्टाग्राम प्रयोगकर्ताहरूलाई चाँडै ठूलो झटका दिने तयारी गरिरहेको छ। मेटाले आफ्नो सामाजिक प्लेटफर्म फेसबुक र इन्स्टाग्राममा क्रस मेसेजिङको सुविधा बन्द गर्ने भएको छ ।
अब इन्स्टाग्राम प्रयोगकर्ताले फेसबुक मेसेन्जरमा म्यासेज र फेसबुक प्रयोगकर्ताले इन्स्टाग्राम डाइरेक्ट म्यासेजमा म्यासेज गर्न पाउने छैनन् । मेटाले तीन वर्षअघि यो सुविधा दिएको थियो । यो सेवा बन्द गर्नुको कारणबारे कम्पनीले जानकारी दिएको छैन ।
एक रिपोर्ट अनुसार, इन्स्टाग्राम प्रयोगकर्ताहरूले क्रस एप मेसेजिङ सम्बन्धी अलर्टहरू प्राप्त गरिरहेका छन्। यो सेवा डिसेम्बर मध्यसम्ममा बन्द हुने चेतावनीमा भनिएको छ । राहतको खबर यो हो कि यो सेवा बन्द भएपछि पनि प्रयोगकर्ताले च्याट हिस्ट्री हेर्न सक्नेछन् ।
सेवा बन्द भएपछि, तपाईंले नयाँ च्याट गर्न सक्नु हुनुहुने छैन, तर तपाईंले आएका सन्देशहरू हेर्न सक्नु हुनुहुनेछ। इन्स्टाग्राम जस्तै, यस प्रकारको अपडेट फेसबुकमा पनि उपलब्ध हुनेछ, अर्थात् फेसबुक प्रयोगकर्ताहरूले इन्स्टाग्राम प्रयोगकर्ताहरूलाई सन्देश पठाउन सक्ने छैनन्, तर पुराना च्याटहरू हेर्न सकिनेछ। इन्स्टाग्राम र फेसबुक मेसेन्जर एपहरूमा क्रस मेसेजिङ सुविधा २०२० मा सुरु गरिएको थियो।