*प्रेम गायक, बागलुङ
बा तिमी बा भएर पनि
बा जस्तो रहेनौ!
छोराछोरी र शाखा सन्तान ले
सम्झिने ठाउँ दिएनौ!
जन्मदिने मात्रै बा नभएर
कर्म दिने पनि बाउ हुन्छन्!
राम्रो गुणको तारिफ गर्दै
छोराछोरीले तिनैलाई सम्झी रुन्छन्!
तिमी त जन्मदिने र कर्म दिने भन्दा पनि
देशकै बागडोर सम्हालेका बा थियौँ
कुनै एक दुई जना व्यक्तिको नभएर
तिन करोड नेपालीका पनि बा होऊ!
तर तिमी बा भएर पनि
कैले बा जस्तो भएनौ!
सन्तान प्रति जिम्मेवार भएर
बा को अनुभूति दिएनौ!
ऐले सम्म जति पनि बा बनेर
बा को स्थानमा आई बसेऊ!
कहीँ न कहीँ कतै न कतै
लोभ र लालचमा पसेऊ!
आँठो सीमा मिचिँदा पनि
केही बोल्दैनौ!
छिमेकीले हेप्दा पनि
मुख खोल्दैनौ!
कैले दियौँ महाकाली
कैले कालापानी!
उनकै तालमा नाच्दै
हिँड्छौ ठुलो मान्छे बनी!
ज्यानको बाजी लगाएर
एमसिसी भित्रायौँ!
आफ्नै सन्तान रुहाएर
मालिकलाई रिझायौँ !
नागरिकता बाँड्न थालेऊ
भट्ट मकै सरी !
यस्तो दुष्ट भय पछि
बाउ भनौँ कसरी !
अपराधीलाई माफी दियौँ
पीडितलाई झन् पिडा !
बाउ भनेर हुँदो रहेनछ
लाग्न थाल्यो घृणा !
तिम्रो सन्तान हु भन्न पनि
लाज लाग्छ मलाई !
आफ्नै बाउ खराब भए पछि
दोष दिऊँ र म कसलाई।
भोलि बा को मुख हेर्ने दिन
सम्झी रहु जिम्मेवार बा लाई !
सन्तानको लागी ज्यान दिन पनि
पछि नहट्नेलाई !
कति जिम्मेवार थिए
साँच्चै मलाई जन्मदिने बा !
त्यस्ता बा खोजेर
ऐले पाउँछु र म कहाँ !
राष्ट्रका बा
तिमी बा भएर पनि
बा जस्तो रहेनौ !
त्यसैले होला आज
तिमी मेरो फेसबुक वालमा अटेनौ !!