३० जेठ, काठमाडौं - प्रमुख प्रतिपक्ष दल नेपाली कांग्रेसका नेता डा. शेखर कोइरालाले कांग्रेसलाई सरकारमा जान हतार नभएको दाबी गरेका छन् । बुधवार काठमाडौंमा आयोजित एक कार्यक्रमलाई सम्बोधन गर्दै उनले कांग्रेस अहिले प्रतिपक्षमा रहेकाले प्रतिपक्षको भुमिकालाई बलियो बनाएर जाने बताए । नेता कोइरालाले अहिले कांग्रेस सरकारमा आउन लबिङ नगर्ने, तर परिस्थितिले कांग्रेसले नै सरकार चलाउनुपर्ने अवस्था भए स्वभाविकरुपमा लिने बताए । उनले भने, ‘अहिले देशको राजनीति अत्यन्तै तरल अवस्थाबाट गइरहेको छ । बैंकको तरलता जस्तो होइन, देशकै अवस्था तरलता छ । अहिले आठ वटा सरकार छन् । त्यसमा पनि पछिल्लो डेढ वर्षमा २३ पटक परिवर्तन भएछ । हामीले कस्तो संविधान बनाएछौँ, हामीहरुको कमी,…
