१८ पुस, काठमाडौं — कञ्चनपुरमा उद्धार ढिलाइ हुँदा नदीमा फसेको बाघको बच्चा (डमरू)को ज्यान गएको छ। दोधारा चाँदनी नगरपालिका–१ स्थित चाँदनी गैरीशंकर सामुदायिक वन क्षेत्र नजिक जोगबुढा नदीमा फसेको अवस्थामा रहेको डमरूको मृत्यु भएको हो। बुधबार बिहान नदीको हिलो र पानीमा फसेको अवस्थामा डमरू भेटिएको थियो। स्थानीयले तत्कालै डिभिजन वन कार्यालय र शुक्लाफाँटा राष्ट्रिय निकुञ्जलाई जानकारी गराए पनि सम्बन्धित निकायबाट उद्धारमा ढिलाइ भएको स्थानीयको गुनासो छ। मृत्यु भएको डमरूको उमेर करिब दुई महिना रहेको जनाइएको छ। डिभिजन वन कार्यालय कञ्चनपुरका प्रमुख सुरेशचन्द्र डिसीले राष्ट्रिय प्रकृति संरक्षण कोष र शुक्लाफाँटा राष्ट्रिय निकुञ्जको लापरवाहीका कारण डमरूको मृत्यु भएको आरोप लगाए। उनले डमरू…
