Breaking News 3 Archives - Page 2 of 49

विश्वविद्यालयको कुलपति प्रणाली सुधार्न गम्भीर छलफल भइरहेको छ: प्रधानमन्त्री

epostnp0 CommentsBreaking News 3, ताजा खबर, प्रमुख समाचार, समाचार

१० पुस, काठमाडौं — प्रधानमन्त्री सुशीला कार्कीले प्रधानमन्त्री नै विश्वविद्यालयको कुलपति रहने व्यवस्थामा सुधार आवश्यक भएको महसुस गरिएको बताएकी छन्। उनका अनुसार, शैक्षिक प्रशासनमा भइरहेको अनावश्यक दलीय हस्तक्षेपले नेपालको उच्च शिक्षा क्षेत्र दीर्घकालदेखि प्रभावित हुँदै आएको निष्कर्षमा पुगेर सरकारले केही ठोस पहल सुरु गरेको हो। प्रधानमन्त्री कार्कीले भनिन्, “प्रधानमन्त्री स्वयं विश्वविद्यालयको कुलपति हुने अभ्यासलाई परिमार्जन गर्नुपर्ने आवश्यकता स्पष्ट रूपमा देखिएको छ। यस विषयमा गम्भीर छलफल र तयारी भइरहेको छ।” उनले शिक्षामा लगानी बढाउनुपर्ने आवश्यकता औंल्याउँदै, यस क्षेत्रलाई राजनीतिक हस्तक्षेपबाट मुक्त गरी विश्वविद्यालयलाई प्राज्ञिक बहस र अनुसन्धानको केन्द्रका रूपमा विकास गर्न सबै पक्षले पहल गर्नुपर्नेमा जोड दिइन्। उच्च शिक्षाका लागि ठूलो…

झापामा जंगली हात्तीको आक्रमण, युवक घाइते

epostnp0 CommentsBreaking News 3, ताजा खबर, प्रमुख समाचार, समाचार

१० पुस, काठमाडौं — झापामा जंगली हात्तीको आक्रमणमा एक युवक घाइते भएका छन् । मेचीनगर नगरपालिका–१३ अन्तर्गत रहेको हातेमालो सामुदायिक वन क्षेत्रमा बुधबार साँझ हात्तीले आक्रमण गर्दा स्थानीय २६ वर्षीय आकाश दाहाल घाइते भएका हुन् । जिल्ला प्रहरी कार्यालयका अनुसार बुधबार साँझ करिब ६ बजे दाउरा संकलन गर्न वनमा गएका बेला अचानक जंगली हात्तीले दाहालमाथि आक्रमण गरेको थियो । आक्रमणका क्रममा उनको दाहिने खुट्टामा चोट लागेको छ । घाइते दाहालको बिर्तामोडस्थित बी एण्ड सी अस्पतालमा उपचार भइरहेको प्रहरीले जनाएको छ ।

उम्मेदवारी दर्ताको समय आएपछि राजीनामाबारे निर्णय गर्छु: मन्त्री घिसिङ

epostnp0 CommentsBreaking News 3, ताजा खबर, प्रमुख समाचार, राजनीति, समाचार

९ पुस काठमाडौं — सहरी विकासमन्त्री कुलमान घिसिङले उम्मेदवारी मनोनयन दर्ता गर्ने समयसम्म राजीनामा दिने विषयमा निर्णय गर्ने बताएका छन् । मन्त्रालयमा आयोजित पत्रकार सम्मेलनमा उज्यालो नेपाल पार्टीका संरक्षकसमेत रहेका उनले मन्त्री पदबाट राजीनामा दिएर चुनावमा जाने संकेत गरेका हुन् । ‘मन्त्रीको हैसियतमा आएपछि राजनीतिमा इन्ट्री भएँ,’ उनले भने, ‘मन्त्रीको हैसियतले हाम्रो जिम्मेवारीलाई बहन गर्दै अघि बढेको पनि छु । जुनबेला चुनावमा जानेछौँ, उम्मेदवारीको विषयको समय आउँछ । त्यसबेला उपयुक्त समयमा आवश्यक निर्णय गर्छौँ ।’ वर्तमान सुशीला कार्की नेतृत्वको सरकार गैरदलीय भएको तर, कुलमान दलको व्यक्ति भएको भन्दै विभिन्न टिकाटिप्पणी भइरहेको छ ।

‘चुनाव होइन, सुशासन’ भन्दै काठमाडौंमा जेन-जी युवाहरूको प्रदर्शन

epostnp0 CommentsBreaking News 3, ताजा खबर, प्रमुख समाचार, राजनीति, समाचार

७ पुस, काठमाडौं — सर्वपक्षीय सरकार गठनको माग गर्दै सोमबार माइतीघरमा प्रदर्शन गरिएको छ। ‘जेन–जीको माग चुनाव होइन, सुशासन’ भन्ने नारा सहित मिराज ढुंगाना, रविकिरण हमाल, निकोलस भुसाललगायत युवाहरू प्रदर्शनमा सहभागी भएका थिए। प्रदर्शनका क्रममा उनीहरूले सबै राजनीतिक दल समेटिएको सरकार गठन गर्नुपर्ने माग अघि सारेका थिए। सोही क्रममा प्रहरीले केही प्रदर्शनकारीलाई केही समयका लागि नियन्त्रणमा लिएको थियो। यसअघि ढुंगानासहितको समूहले माइतीघर क्षेत्रमा प्रदर्शन गर्न जिल्ला प्रशासन कार्यालय काठमाडौंसँग अनुमति मागेको भए पनि प्रशासनले अनुमति नदिएको जनाएको छ। अनुमति नलिई प्रदर्शन सुरु भएपछि प्रहरीले हस्तक्षेप गरेको बताइएको छ। प्रदर्शनकारीहरूले प्रधानमन्त्री सुशीला कार्की र गृहमन्त्री ओमप्रकाश अर्यालको राजीनामा माग गर्दै नाराबाजी…

१७ वर्षीय ईशानको मृत्यु प्रकरणमा संलग्नलाइ पक्राउ गर्न माग गर्दै प्रदर्शन

epostnp0 CommentsBreaking News 3, ताजा खबर, प्रमुख समाचार, समाचार

६ पुस, काठमाडौं — रुपन्देहीको कञ्चन गाउँपालिका–३ धौलागिरी चोकमा १७ वर्षीय ईशान शर्मा पौडेलको शंकास्पद मृत्यु प्रकरणमा संलग्नलाई पक्राउ गर्न माग गर्दै स्थानीयवासीले ईलाका प्रहरी कार्यालय रुद्रपुर घेराउ गरेका छन्। तीन दिनअघि ईशानको शव घर नजिकैको नालीमा फेला परेको थियो। घटनाको अनुसन्धानमा प्रहरीले अपेक्षित सक्रियता नदेखाएको र दोषी पहिचान गर्न नसकेको आरोप लगाउँदै टोल विकास संस्था, आमा समूहसहित स्थानीयहरूले दबाबस्वरूप प्रहरी कार्यालय घेरेका हुन्। मृतकका बुबा पुष्पराज शर्माका अनुसार तीन हजारभन्दा बढी स्थानीय स्वतःस्फूर्त रूपमा ईलाका प्रहरी कार्यालय घेराउ गर्न पुगेका थिए। पोष्टमार्टम रिपोर्टमा टाउकोमा लागेको चोटका कारण अत्यधिक रक्तस्राव भएर मृत्यु भएको पुष्टि भएको चिकित्सकले जानकारी दिएको उनले बताए।…

प्रतिनिधि सभा निर्वाचन: समानुपातिक उम्मेदवारको बन्दसूची पेस गर्ने समय नजिकिँदै

epostnp0 CommentsBreaking News 3, ताजा खबर, प्रमुख समाचार, राजनीति, समाचार

६ पुस, काठमाडौं — प्रतिनिधि सभा निर्वाचनअन्तर्गत समानुपातिक प्रणालीतर्फका उम्मेदवारको बन्दसूची बुझाउने समय आउन अब एक साता मात्र बाँकी छ। बन्दसूची बुझाउनुअघि समावेशी प्रतिनिधित्वको प्रतिशतमा सामान्य संशोधन गरिएको छ। आगामी फागुन २१ गते हुने प्रतिनिधि सभा सदस्य निर्वाचनका लागि समानुपातिक निर्वाचन प्रणालीसम्बन्धी कार्यक्रम गत मंसिर २१ गतेदेखि सुरु भएको थियो। निर्वाचन तालिकाअनुसार समानुपातिक प्रणालीमा भाग लिन इच्छुक राजनीतिक दललाई मंसिर २१ देखि २३ गतेसम्म निवेदन दिने समय दिइएको थियो, जसमा एक सय दलले निवेदन दर्ता गरेका छन्। समानुपातिकतर्फ निर्वाचनमा सहभागी हुने दलहरूले यही पुस १३ र १४ गते उम्मेदवारको बन्दसूची पेस गर्नुपर्नेछ। बन्दसूची बुझाउँदा समावेशी कोटाअनुसार उम्मेदवार समेट्नुपर्ने व्यवस्था छ।…

एमाले नेतृत्वमा ओलीको ह्याट्रिक

epostnp0 CommentsBreaking News 3, ताजा खबर, प्रमुख समाचार, राजनीति, समाचार

३ पुस, काठमाडौं — नेकपा एमालेका अध्यक्ष केपी शर्मा ओली लगातार तेस्रो पटक पार्टी अध्यक्षमा निर्वाचित भएका छन्। बुधबार सम्पन्न निर्वाचनबाट ओली तेस्रो कार्यकालका लागि पार्टी नेतृत्वमा पुगेका हुन्। यसअघि पनि उनी नवौं र दशौं महाधिवेशनबाट अध्यक्षमा निर्वाचित भएका थिए। निर्वाचन आयोगको पछिल्लो विवरणअनुसार अध्यक्षका उम्मेदवार ओलीले १ हजार ६ सय ६३ मत प्राप्त गरेका छन्। उनका निकट प्रतिस्पर्धी ईश्वर पोखरेलले ५ सय ६४ मत पाएका छन्। यद्यपि मतगणनाको औपचारिक घोषणा भने अझै हुन बाँकी छ।

नेप्से १८ अंक उकालो, दिनभर हरियो रह्यो बजार

epostnp0 CommentsBreaking News 3, अर्थ, ताजा खबर, प्रमुख समाचार, समाचार

१ पुष, काठमाडौं — मंगलबार सेयर बजारमा उल्लेख्य सुधार देखिएको छ। नेप्से परिसूचक १८.३७ अंकले उकालो लाग्दै २६१९ विन्दुमा पुगेको छ, जुन सो दिनको उच्चतम स्तर पनि हो। कारोबार सुरु भएदेखि बन्द हुँदासम्म बजार कहिल्यै ओरालो लागेन। कुल १८७ कम्पनीको सेयर मूल्य बढ्दा ६१ कम्पनीको घट्यो भने ११ कम्पनीको मूल्य स्थिर रह्यो। कारोबार रकम भने अघिल्लो दिनको ३ अर्ब ४४ करोडबाट घटेर ३ अर्ब २९ करोड रुपैयाँमा सीमित भयो। व्यापार समूह बाहेक सबै सूचकहरू बढेका छन्। व्यापार समूह ०.०१ प्रतिशतले घट्दा बैंकिङ ०.३५, विकास बैंक १.५६, फाइनान्स ०.४१, होटल तथा पर्यटन १.४९, जलविद्युत् ०.७७, लगानी ०.६८, जीवन बीमा ०.६९, उत्पादन…

नेप्से ६.७४ अंकले बढेर २६०१ मा, कारोबार रकमभने घट्यो

epostnp0 CommentsBreaking News 3, ताजा खबर, प्रमुख समाचार, समाचार

२९ मंसिर, काठमाडौं — सोमबार सेयर बजारको परिसूचक नेप्से ६.७४ अंकले बढेको छ। यससँगै नेप्से २६०१ अंकमा पुगेको छ। तर कारोबार रकम भने घटेको छ। अघिल्लो दिन ४ अर्बको कारोबार भएकोमा आज ३ अर्ब ४४ करोडमा सीमित भएको हो। आज १५५ कम्पनीको सेयर मूल्य बढ्यो भने ९४ कम्पनीको घट्यो र १० कम्पनीको मूल्य स्थिर रह्यो। नेप्से वृद्धिमा बैंकिङ समूहले मुख्य भूमिका खेलेको छ। यद्यपि सबै समूहका सूचकको उतारचढाव १ प्रतिशतभन्दा कममै सीमित रह्यो। बैंकिङ ०.७२, विकास बैंक ०.३३, फाइनान्स ०.९०, हाइड्रोपावर ०.०६, जीवन बीमा ०.३०, उत्पादन तथा प्रशोधन ०.५७, निर्जीवन बीमा ०.०७ र व्यापार समूह ०.२७ प्रतिशतले बढेका छन्। होटल…

पाल्पामा जिप दुर्घटना: ३ जनाको मृत्यु, ८ जना घाइते

epostnp0 CommentsBreaking News 3, ताजा खबर, समाचार

मंसिर २६, काठमाडौं — पाल्पाको निस्दी गाउँपालिका–४ चिउरीवासमा जिप दुर्घटना हुँदा तीन जनाको मृत्यु भएको छ। दुर्घटनामा आठ जना घाइते भएका छन्। निस्दीको मित्यालीस्थित अरुणखोलाबाट रामपुरतर्फ जाँदै गरेको लु१ज ३९०८ नम्बरको जिप शुक्रबार दुर्घटनामा परेको हो। जिल्ला प्रहरी कार्यालयका सूचना अधिकारी प्रहरी नायब उपरीक्षक होमप्रकाश चौधरीका अनुसार जिपमा सवार तीन जनाको मृत्यु भएको छ। मृतकहरूको पहिचान भने खुल्न बाँकी छ। दुर्घटनामा घाइते आठ जनालाई उद्धार गरी उपचारका लागि पूर्वी नवलपरासीस्थित मध्यविन्दु प्रादेशिक अस्पताल पठाइएको चौधरीले जानकारी दिए। दुर्घटनाको कारण भने अझै पुष्टि भएको छैन।