Page 16 – Epost Nepal

गाजा संकटः इसराइलको आक्रमणबाट मृत्यु हुने संख्या ७० हजार पुग्यो

epostnp0 CommentsBreaking News 3, अन्तर्राष्ट्रिय, ताजा खबर, प्रमुख समाचार, समाचार

१५ मंसिर, काठमाडौं − गाजामा जारी इसराइली आक्रमणका कारण मृत्यु हुनेको संख्या ७० हजार नाघेको छ। गाजाको स्वास्थ्य मन्त्रालयले सार्वजनिक गरेको तथ्यांकअनुसार मृतकमध्ये संख्या ७० हजार १ सय पुगेको छ। रोयटर्सका अनुसार, इसराइलले गरेको हवाई हमलाबाट ध्वस्त बनेका संरचनाहरूको भग्नावशेषबाट पछिल्ला तीन दिनमै ३०० भन्दा बढी शव फेला परेका छन्। अझै पनि धेरै शव भग्नावशेषभित्र रहेको अनुमान गरिएको छ। युद्धविराम लागू भए पनि इसराइलले विभिन्न आरोपका आधारमा गाजामा आक्रमण जारी राखेको बताइएको छ। हमासले युद्धविराम सम्झौतामाथि उल्लंघन गरेको र नियन्त्रण रेखामा इसराइली सैनिकको हत्या गरिएको आरोप लगाउँदै इसराइलले हमासमाथि लक्षित आक्रमण गरिरहेको थियो। दुई वर्षदेखिको युद्धमा गाजामा भएका कुल मृत्युका…

नेतृत्व पुस्तान्तरण आवश्यकता अनुसार हुन्छ : ओली

epostnp0 CommentsBreaking News 1, ताजा खबर, प्रमुख समाचार, राजनीति, समाचार

१४ मंसिर, काठमाडौं − नेकपा एमालेका अध्यक्ष केपी शर्मा ओलीले पार्टीभित्र नेतृत्व हस्तान्तरण र पुस्तान्तरण स्वभाविक विषय भएको बताएका छन्। उनका अनुसार, समयको मागअनुसार यस्तो प्रक्रिया स्वतः अघि बढ्ने भएकाले लगातार बल दिएर भन्नुपर्ने विषय होइन। आइतबार च्यासलस्थित पार्टी केन्द्रीय कार्यालयमा आयोजित लोगो सार्वजनिक कार्यक्रममा बोल्दै ओलीले भने, “अधिवेशन हुँदा कमिटीमा केही साथी हट्छन्, नयाँहरू आउँछन्—यो सामान्य प्रक्रिया हो। पुनर्गठन हुन्छ, हस्तान्तरण र पुस्तान्तरण पनि हुन्छ। यो नहुने भनेर कसैले रोक्न पनि सक्दैन। आवश्यकताअनुसार नै यी सबै प्रक्रिया अघि बढ्छन्।” उनले अधिवेशनको आवश्यकता पनि यही कारणले पर्ने उल्लेख गरे। “अधिवेशन विधि–विधान, संगठनात्मक र नीतिगत विषय, राजनीतिक कार्यको समीक्षा तथा आगामी…

नेप्से ओरालो, सर्किट ब्रेकर लागेका कम्पनीहरू र उच्च गुमाउने सेयर

epostnp0 Commentsअर्थ, ताजा खबर, प्रमुख समाचार, समाचार

१४ मंसिर, काठमाडौं − साताको पहिलो कारोबार दिन आइतबार (मंसिर १४) नेपाल स्टक एक्सचेन्ज (नेप्से) उल्लेखनीय रूपमा घटेको छ। नेप्से सूचकांक २६.५१ अंकले तल झरेर २६४९.५२ विन्दुमा पुगेको छ। सूचकांक ओरालो लागे पनि ४५ कम्पनीका सेयर मूल्यमा वृद्धि देखियो भने २११ कम्पनीका सेयरमा गिरावट आएको नेप्सेले जनाएको छ। यस दिन कुल ३४२ कम्पनीका सेयर ८४ हजार १५६ पटक कारोबार भएका छन्। कारोबार रकम सात अर्ब आठ करोड ५४ लाख ४९ हजार ३३३ रुपैयाँ पुगेको छ भने कारोबार भएको सेयर संख्या एक करोड ५७ लाख ३६ हजार ३७२ कित्ता रहेको छ। सागर डिस्टिलरी, निफ्रा ग्रीन इनर्जी, स्वस्तिक लघुवित्त, झापा इनर्जी र…

रास्वपा–विवेकशील साझाको एकता सार्वजनिक

epostnp0 CommentsBreaking News 2, ताजा खबर, प्रमुख समाचार, राजनीति, समाचार

१४ मंसिर, काठमाडौं − राष्ट्रिय स्वतन्त्र पार्टी (रास्वपा) र विवेकशील साझा पार्टीबीच औपचारिक रूपमा एकता घोषणा गरिएको छ। आज काठमाडौंको राष्ट्रिय सभागृहमा आयोजित कार्यक्रममार्फत दुवै पार्टीले एकताको घोषणा गरेका हुन्। रवि लामिछाने नेतृत्व रहेको रास्वपा र समीक्षा बास्कोटा अध्यक्ष रहेको विवेकशील साझाबीच केही दिनअघि नै एकतामा सहमति बनेको थियो। विवेकशील साझाले आफ्नो केन्द्रीय समिति बैठकबाट पार्टी एकताको प्रस्ताव अनुमोदन पनि गरिसकेको थियो। त्यसअघि, दुवै पार्टीले कार्यदल गठन गरी एकता प्रक्रियाबारे विस्तृत छलफल गरेका थिए। तर विवेकशील साझाका नेता मिलन पाण्डे भने यो एकतामा सहभागी नबन्ने भएका छन्। नाम र चुनाव चिह्न रास्वपाकै रहने सहमतिसहित विवेकशील साझाले एकतामा जाने निर्णय गरेको…

स्पट फिक्सिङ र सट्टेबाजीमा संलग्न समूहमाथि प्रहरीको कडाइ, लगातार पक्राउ

epostnp0 CommentsBreaking News 3, खेलकुद, ताजा खबर, प्रमुख समाचार, समाचार

१४ मंसिर, काठमाडौं − काठमाडौंमा चलिरहेको नेपाल प्रिमियर लिग (एनपीएल) ले दर्शकको उत्साह त बढाएको छ नै, त्यससँगै अनलाइन सट्टेबाजीमा संलग्न समूहहरूको सक्रियता पनि त्यत्तिकै देखिएको छ। एनपीएलमा सट्टेबाजी तथा खेलाडीलाई स्पट फिक्सिङको प्रस्ताव गरेको आरोपमा प्रहरीले हालसम्म १० जनालाई पक्राउ गरिसकेको छ। अनुसन्धानका क्रममा केही खेलाडीलाई स्पट फिक्सिङका लागि एक करोड रुपैयाँसम्मको प्रस्ताव गरिएको तथ्यसमेत खुलेको छ। पक्राउ परेकामध्ये ९ जना भारतीय नागरिक रहेको र उनीहरू यसै उद्देश्यले भारतबाट नेपाल आएका थिए भन्ने पनि स्पष्ट भएको छ। एनपीएलमा खेलाडीलाई प्रायोजन गर्ने बहानामा इन्स्टाग्राममार्फत सम्पर्क गरी अनुचित प्रभाव पार्न खोजेको आरोपमा मंसिर ३ गते प्रहरीले एक नेपाली र एक भारतीय…

फ्लडलाईटमा चम्किएको टीयू मैदानले भावुक बनायो : पृथु बाँस्कोटा

epostnp0 Commentsखेलकुद, ताजा खबर, प्रमुख समाचार, समाचार

१४ मंसिर, काठमाडौं − नेपाली क्रिकेटमा दुई दशक बिताइसकेका पृथु बाँस्कोटाले अहिले चलिरहेको एनपीएल हेर्न टीयू मैदान पुगेका बेला आफू धेरै भावुक भएको बताए । सिद्धार्थ बैंक नेपाल प्रिमियर लिग (एनपीएल) अन्तर्गत आज एक मात्र खेल हुँदैछ, जहाँ कर्णाली याक्स र काठमान्डु गोर्खाजबीचको भिडन्त दिउँसो ३:३० बजे कीर्तिपुरस्थित टीयू अन्तर्राष्ट्रिय क्रिकेट मैदानमा सुरु हुनेछ। नेपाली राष्ट्रिय टोलीका पूर्व खेलाडी तथा यू–१९ राष्ट्रिय क्रिकेट टिमका पूर्व कप्तान पुथु बाँस्कोटाले आजै हुने खेल, नेपाल प्रिमियर लिग, र नेपाली क्रिकेटको वर्तमान अवस्थाबारे सिद्धार्थ बैंक ओके एनपीएल बजसँग कुराकानी गरेका छन्। दुई दशकको क्रिकेट यात्रापछि टीयू मैदानमा बसेर एनपीएल हेर्दा आफू निकै भावनात्मक भएको…

राष्ट्रपति पौडेल: लोकतन्त्र सुदृढ गर्न नयाँ जनादेश आवश्यक

इ-पोस्ट नेपाल0 CommentsBreaking News 1, ताजा खबर, प्रमुख समाचार, समाचार

३ असोज, काठमाण्डौं – राष्ट्रपति रामचन्द्र पौडेलले जेन-जी आन्दोलनपछि उत्पन्न राजनीतिक परिस्थितिमा प्रतिनिधिसभाबाट मन्त्रिपरिषद् गठन गर्ने कुनै उपाय बाँकी नरहेको बताएका छन्। संविधान दिवसको अवसरमा शुक्रबार राष्ट्रपति कार्यालयले आयोजना गरेको चियापान समारोहलाई सम्बोधन गर्दै उनले हालको अन्तरिम सरकार आम सहमतिका आधारमा गठन गरिएको बताएका हुन्। राष्ट्रपति पौडेलले भने, “प्रतिनिधिसभाबाट मन्त्रिमण्डल गठन गर्ने कुनै उपाय नभएकोले आम सहमतिबाट यो कदम चालिएको कुरा सबैले बुझौं। ६ महिनाभित्र प्रतिनिधिसभा ल्याउने चुनाव सम्पन्न गर्न सबै जागौं।” उनले नयाँ जनादेशले लोकतन्त्रलाई थप संस्थागत गर्ने विश्वास पनि व्यक्त गरे। उनले भने, “अहिले बनेको अन्तरिम सरकारले राष्ट्रिय क्षतिको पुनर्निर्माण गर्दै ६ महिनामा निर्वाचन सम्पन्न गरी जनप्रतिनिधिमूलक संस्थालाई…

जेनजी आन्दोलनपछि ८ हजार कैदी फरार, कारागारमा सुरक्षा चुनौती

इ-पोस्ट नेपाल0 CommentsBreaking News 2, ताजा खबर, प्रमुख समाचार, समाचार

३ असोज, काठमाण्डौं –जेनजी आन्दोलनको क्रममा २४ भदौमा भएको कारागार तोडफोडपछि अझै ८ हजार ३७५ कैदीबन्दी फरार रहेको कारागार व्यवस्थापन विभागले जनाएको छ। विभागका अनुसार यसमध्ये ७ हजार ७५३ कारागारतर्फ र ६२२ सुधारगृहतर्फका कैदीबन्दी अझै फरार रहेका छन्। देशभरका विभिन्न २८ वटा कारागार र ९ वटा बाल सुधार गृहबाट कुल १४ हजार ५५५ कैदीबन्दी भागेका थिए। यसमा १३ हजार ५९१ जना कारागारबाट र ९६४ जना बाल सुधार गृहबाट फरार भएका थिए। फरारमध्ये अहिलेसम्म ६ हजार १७९ जना फिर्ता भएका छन्। कारागारतर्फ ५ हजार ८३८ र बाल सुधार गृहतर्फ ३४१ जना फिर्ता आएको कारागार व्यवस्थापन विभागका निर्देशक चोमेन्द्र न्यौपानले जानकारी दिए।…

काठमाडौं उपत्यकामा ३४६ प्रहरी सवारी जले, ड्युटी प्रभावित

इ-पोस्ट नेपाल0 Commentsताजा खबर, प्रमुख समाचार, समाचार

३ असोज, काठमाडौं – जेन–जी आन्दोलनको क्रममा नेपाल प्रहरीका सवारी साधनहरूको ठूलो क्षति भएको छ । काठमाडौं उपत्यकाका तीन जिल्लामा मात्रै प्रहरीका ३४६ सवारी साधन जलेको तथ्य सार्वजनिक भएको छ। काठमाडौं उपत्यका प्रहरी कार्यालय रानिपोखरीका प्रवक्ता तथा एसएसपी शेखर खनालका अनुसार जलेका सवारीमध्ये २४ वटा चार पांग्रे हेभी गाडी, १०४ वटा चार पांग्रे लाइट गाडी र २१८ वटा दुई पांग्रे सवारी साधन छन्। प्रहरीका अनुसार ठूलो मात्रामा सवारी जलेकोले दैनिक पुलिसिङ, ड्युटी र अन्य सुरक्षा कार्यहरूमा प्रभाव परेको छ।

जनअपेक्षाअनुसार काम गर्न अन्तरिम सरकार प्रतिबद्ध: प्रधानमन्त्री कार्की

इ-पोस्ट नेपाल0 CommentsBreaking News 3, ताजा खबर, प्रमुख समाचार, राजनीति, समाचार

३ असोज, काठमाडौं – प्रधानमन्त्री सुशीला कार्कीले संविधान दिवसको अवसरमा आयोजित समारोहमा कुनै शासकीय आकांक्षा वा पदको लालसा लिएर आफू प्रधानमन्त्री नभएको स्पष्ट पारेकी छन्। टुँडिखेलमा आयोजित कार्यक्रममा बोल्दै उनले भनिन्, “देश संकटमा रहेको बेलामा परिवर्तनगामी युवा पुस्ताको अनुरोधअनुसार चुप लागेर बस्न नसकी संक्रमण व्यवस्थापन गर्दै नेपालको संविधानअनुसार ६ महिनाभित्र प्रतिनिधि सभाको निर्वाचनमार्फत जनप्रतिनिधि सरकारलाई जिम्मेवार हस्तान्तरण गर्ने उद्देश्यले वर्तमान अन्तरिम सरकारको प्रधानमन्त्री भएको हुँ।” प्रधानमन्त्री कार्कीले नागरिकको अपेक्षाअनुसार काम गर्न सरकार प्रतिवद्ध रहेको पनि बताइन्। उनले थपिन्, “अन्तर्राष्ट्रिय स्तरमा देखिएको नागरिकमैत्री शासन प्रणाली, खुला सरकार र भर्चुअल शासनका विषयमा जानकार युवापुस्ताले उठाएका रोजगारीका अवसर, गुणस्तरीय जीवनस्तर, सरकारका कामकाजमा पारदर्शिता,…