समुद्री ड्रोन आक्रमणबाट रूसी पनडुब्बीमा क्षति पुगेको युक्रेनको दाबी

१ पुष, काठमाडौं — युक्रेनले पहिलो पटक पानीमुनि सञ्चालन हुने समुद्री ड्रोन प्रयोग गरी ब्ल्याक सागर क्षेत्रमा रहेको रूसी पनडुब्बीमा आक्रमण गरी ठूलो क्षति पुर्‍याएको दाबी गरेको छ। युक्रेनको सुरक्षा सेवा (एसबियु) ले स्वदेशमै निर्माण गरिएका ‘सब सी बेबी’ ड्रोनमार्फत नोभोरोस्सियस्क नजिकको बन्दरगाहमा रहेको ‘किलो क्लास’ पनडुब्बीलाई निशाना बनाएको जनाएको छ। एसबियुले सार्वजनिक गरेको भिडियोमा समुद्री तट नजिकै शक्तिशाली विस्फोट भएको देखिन्छ, जहाँ पनडुब्बी र अन्य जहाजहरू राखिएको छ। बन्दरगाहको संरचना र घाटको अवस्थाको आधारमा उक्त भिडियो नोभोरोस्सियस्क बन्दरगाहकै भएको समाचार संस्था रोयटर्सले पुष्टि गरेको छ। युक्रेनी आक्रमणपछि रूसले क्राइमियाबाट आफ्ना युद्धपोतहरू हटाउनुपरेको र त्यस क्रममा उक्त पनडुब्बीलाई पनि नोभोरोस्सियस्कमा…

१ पुष, काठमाडौं — नेपाल सरकारले क्यामेरा ट्र्यापिङ विधिबाट आजदेखि बाघ गणना सुरु गर्दैैछ । बाघ गणना तीन महिनासम्म चल्ने छ । बाघको वर्तमान अवस्था पत्ता लगाउन प्रत्येक चार वर्षमा बाघ गणना हुने गर्दछ । सोही अनुसार आज पुस १ गतेदेखि चितवन र पर्सा राष्ट्रिय निकुञ्जबाट बाघ गणना सुरु हुन लागेको हो । चितवन, पर्सा, बाँके, बर्दिया र शुक्लाफाँटा राष्ट्रिय निकुञ्ज तथा लाझाडी क्षेत्रमा बाघ गणना हुनेछ । त्यसका लागि विभागका इकोलोजिष्ट हरिभद्र आचार्यका अनुसार चितवन राष्ट्रिय निकुञ्ज र पर्सा राष्ट्रिय निकुञ्जलाई ३ ब्लक, बाँके र बर्दियालाई ४ ब्लक र शुक्लाफाँटा तथा लालझाडीलाई १ ब्लकमा विभाजन गरिएको छ । बाघ…

२९ मंसिर, काठमाडौं — काठमाडौं जिल्ला प्रशासन कार्यालयले जेन–जी आन्दोलनका क्रममा घाइते भएकालाई वितरण गरिँदै आएको परिचयपत्र हाललाई स्थगित गरेको छ। सोमबार जारी गरिएको सूचनामा गृह मन्त्रालयको वेबसाइटमा सार्वजनिक गरिएको घाइतेको सूचीबाहिरका व्यक्तिहरू पनि परिचयपत्र लिन आउन थालेपछि वितरण रोक्ने निर्णय गरिएको उल्लेख छ। विज्ञप्तिमा भनिएको छ, ‘गृह मन्त्रालयको वेबसाइटमा प्रकाशित घाइते नामावलीभन्दा बाहिरका व्यक्तिहरू पनि जेन–जी घाइते परिचयपत्रको प्रयोजनका लागि आउने क्रम बढ्दै गएकाले यस विषयमा गृह मन्त्रालयको निर्देशन आवश्यक देखिएको छ। त्यसैले अर्को व्यवस्था नभएसम्म जेन–जी घाइते परिचयपत्र वितरणको कार्य स्थगन गरिएको जानकारी गराइन्छ।’ यसअघि गृह मन्त्रालयको निर्देशनअनुसार देशभरका ७७ वटै जिल्ला प्रशासन कार्यालयबाट घाइतेको परिचयपत्र वितरण हुँदै…

२९ मंसिर, काठमाडौं — नेपाली कम्युनिस्ट पार्टीका सहसंयोजक माधव नेपालविरुद्ध परेको उजुरीलाई अख्तियार दुरूपयोग अनुसन्धान आयोगले तामेलीमा राख्ने निर्णय गरेको विषयमा विशेष अदालतले फाइल झिकाउन आदेश दिएको छ। सोमबार न्यायाधीश नारायणप्रसाद पौडेल र डिल्लीरत्न श्रेष्ठको इजलासले पतञ्जलीको जग्गासम्बन्धी भ्रष्टाचार मुद्दामा अख्तियारले उजुरी तामेलीमा राख्ने गरी गरेको निर्णयको फाइल झिकाउन आदेश गरेको हो। अख्तियारले २०६९ मंसिर २५ गते उक्त उजुरी तामेलीमा राख्ने निर्णय गरेको थियो। अदालतको आदेशमा भनिएको छ, ‘प्रस्तुत मुद्दाको विषय सम्बद्ध उजुरीका सम्बन्धमा अख्तियार दुरूपयोग अनुसन्धान आयोगबाट मिति २०६९/०८/२५ मा भएको निर्णयसहितको फाइल झिकाउनू।’ माधव नेपालको तर्फबाट वरिष्ठ अधिवक्ता गोविन्द बन्दीलगायतले बहस गरेका थिए। वकिलहरूले उजुरी तामेलीमा राख्ने गरी…