७ कात्तिक, काठमाडौं – सूर्यदर्शन बचत तथा ऋण सहकारी कास्कीका पीडितहरूले रास्वपाको दबाबमा पूर्वगृहमन्त्री रवि लामिछानेमाथिको अनुसन्धान र अदालत समेत प्रभावित नहोस् भन्ने माग गरेका छन् ।
सूर्यदर्शन बचत पीडित संघर्ष तथा तदर्थ समिति पोखरा, सहकारी बचतपीडित संघ कास्कीले बुधबार विज्ञप्ति जारी गर्दै अनुसन्धान प्रभावित हुन्छ कि भन्ने डरका कारण आफूहरू सडकमा आउनुपरेको उल्लेख गरेका छन् ।
अहिले रास्वपाले सभापति लामिछाने बचाउमा शान्तिसुरक्षा र घरघरमा पुगी पीडित बचतकर्तालाई भड्काउने काम गरेको भन्दै आपत्ति जनाएका छन् ।’पार्टीका नेता र कार्यकर्ताहरुले पोखराको शान्त वातावरण नै बिथोल्ने गरि पीडित बचतकर्ताविरुद्ध गरेको कार्यक्रम, नाराबाजी, भाषणका साथै टोल टोल र घर घरमा पुगीपीडीत बचतकर्तालाई भड्काउने गरेको कामप्रति हामी घोर आपत्ति प्रकट गर्दछौं’ विज्ञप्तिमा छ ।
सहकारी ठगी प्रकरणमा जोडिएको जोसुकै भएपनि निष्पक्ष छानबिन हुनुपर्ने र सहकारीपीडित बचतकर्तालाई न्याय दिनुपर्ने समय मा रास्वपा त्यसविरुद्ध लागेको उनीहरूको भनाइ छ । ‘ सहकारीको बचत र अनुसन्धान लाई नै प्रभाव पार्ने किसिमको कार्यक्रम दिनहुँ जसो पोखरामा भईराखेका छन्, पार्टीका कार्यकर्ताद्वारा पीडित लखेटिएका छन् पिटिएका छन्’ विज्ञप्तिमा छ ।
रास्वपा सरकारमा हुँदा या नहुँदा पार्टीका नेताहरुलाई हार गुहार गर्दा, कैयन पटक ज्ञापन पत्र बुझाउँदा पीडीतको समस्या समाधानका निम्ति कहिल्यै कुनै सर सहयोग नभएको उनीहरूले उल्लेख गरेका छन् ।
‘तर आज पार्टी सभापति नै अनुसन्धानको दायरामा आउँदा झोलामा पीडीतको पैसा बोकी फिर्ता दिने हो की जस्तो गरी टोलटोलमा गरिएको भाषणले जब पार्टी सभापति प्रकाउ परे तब धैटोमा धाम लागेजस्तो देखिएको छ, यो विषयले हामी सहकारीपीडित झनै सशंकित भएका छौं, आज हामी सहकारीपीडितको यो गम्भीर विषयमाथि फेरि एउटा पार्टी र त्यसका नेताले राजनीति गरेको अनुभूति भईराखेको छ ।’
विज्ञप्ति:
