२२ पुस, काठमाडौं — वीरगन्जमा सोमबार साँझ ६ बजेदेखि लागू गरिएको कर्फ्यु स्थानीय प्रशासनले यथावत् राखेको छ। प्रारम्भमा कर्फ्यु सोमबार साँझदेखि मंगलबार बिहान ८ बजेसम्मका लागि लगाइएको थियो भने पछि मंगलबार बिहान ८ बजेदेखि दिउँसो १ बजेसम्म अवधि थप गरिएको हो। यसअघि सोमबार दिउँसो १ बजेदेखि निषेधाज्ञा लागू गरिए पनि अवस्था नियन्त्रणमा आउन नसकेपछि कर्फ्यु लगाइएको थियो। कर्फ्यु क्षेत्र वीरगन्जको पूर्वमा बाइपास रोड, पश्चिममा सिर्सिया पुल, उत्तरमा पावरहाउस चोक र दक्षिणमा शंकराचार्य गेटसम्म तोकिएको छ। धनुषाको कमला नगरपालिका–६ सखुवा मरानस्थित मस्जिदमा शनिबार राति भएको तोडफोडको विरोधमा मुस्लिम समुदायले आइतबार वीरगन्जमा प्रदर्शन गरेका थिए। त्यसको प्रतिक्रियामा हिन्दु समुदायले पनि आइतबार राति…
