११ जेठ, काठमाडौं – राष्ट्रपति रामचन्द्र पौडेल र प्रधानमन्त्री पुष्पकमल दाहालबीच शुक्रबार बिहान राष्ट्रपति भवन शीतल निवासमा भेटवार्ता भएको छ ।
राष्ट्रपति पौडेलले प्रधानमन्त्री दाहाललाई बोलाएर छलफल गरेका हुन् ।
राष्ट्रपति पौडेलले प्रधानमन्त्री दाहालसँग सदनको गतिरोधबारे चिन्ता प्रकट गरेका छन् ।
‘राष्ट्रपतिज्यूले प्रधानमन्त्रीज्यूलाई शितल निवासमा बोलाएर कुराकानी गर्नुभएको हो,’ स्रोतले भन्यो, ‘सदनमा जारी गतिरोध अन्त्य गर्न पहल गर्नुहोस् भन्ने कुरा राष्ट्रपतिज्यूको थियो।’
जबाफमा प्रधानमन्त्री दाहालले गतिरोध अन्त्यका लागि पहल भइरहेको बताएका थिए।
‘हामी समस्या समाधानका पक्षमा छौं, सदनमा जारी गतिरोध अन्त्यका लागि पहल भइरहेको छ,’ प्रधानमन्त्री दाहालको भनाइ थियो।
