१८ फागुन, चितवन – नेकपा एमालेका अध्यक्ष केपी शर्मा ओलीले भरतपुरको विकासमा आफू र पार्टीको साथ रहने बताएका छन् ।
उनले भने, ‘म निम्तालाई अस्वीकार गर्न नसकेर आएको छु । यहाँको विकासको लागि म र मेरो पार्टी सहयोगि हुन तयार छ । सधै साथ रहन्छ ।’
त्यस्तै केपी शर्मा ओलीले भरतपुर घुम्न आउन गीतमार्फत अनुरोध गरेका छन् ।
भरतपुर भ्रमण वर्षको उद्घाटन समारोहमा शुभकामना मन्तव्य राख्दै ओलीले भने -म यहाँबाट भरतपुर घुम्न आउन अनुरोध गर्दछु । गीतै छ नि, ‘लौँ हिँड चितवन दुई दिनको जिन्दगी बिताउन.. ।’
उनले आफू प्रधानमन्त्री हुँदा भरतपुरसहित चितवनको विकासको लागि कामहरू गरेको भन्दै उहाँले ती विकासहरु अघि बढेका होलान् भन्ने अपेक्षा गरेको पनि बताए ।
उनले चितवनको निकुञ्ज, नारायणी नदी भरतपुर महानगरलाई पर्यटकीय स्थल बनाउन सबैलाई आह्वान पनि गर्दै आफ्नो सपरिवार आगामी एक वर्षभित्रै चितवन घुम्न आउने पनि बताए ।
