८ पौष, काठमाण्डौं – नेकपा एमाले को तर्फबाट महोत्तरी क्षेत्र नम्बर १ बाट निर्वाचित लक्ष्मी महतो कोइरीको सांसद पद निलम्बन फुकुवा भएको छ ।
कर्तव्य ज्यान र आगो लगाएको मुद्दामा महोत्तरी जिल्ला अदालत जलेश्वरले सफाइ दिएपछि सभामुख देवराज घिमिरेले सांसद पद निलम्बन फुकुवा गरेका हुन्।
कोइरीको सांसद पद गत वैशाख १९ मा निलम्बन गरिएको थियो ।
संघीय संसदका कार्यवाहक महासचिव पद्मप्रसाद पाण्डेयले सभामुख घिमिरेले कोइरीको सांसद पद निलम्बन फुकुवा गरेको आइतबार जारी गरेको सूचनामा उल्लेख छ।
