प्रमुख सचेतक पाण्डेको आरोप: ‘सरकार सुशासन र भ्रष्टाचार नियन्त्रणमा असफल’

१८ माघ, काठमाडौं – माओवादी केन्द्रका प्रमुख सचेतक हितराज पाण्डेले सरकारले सुशासन कायम गर्न र भ्रष्टाचार नियन्त्रण गर्न असफल भएको आरोप लगाएका छन्। संसद्को हिउँदे अधिवेशनलाई सम्बोधन गर्दै उनले भुटानी शरणार्थी प्रकरण लगायतका भ्रष्टाचार मुद्दाहरूमा ठोस छानबिन अघि नबढेको भन्दै सरकारको आलोचना गरे। "बाढीपहिरोको समयमा सरकारले प्रभावकारी भूमिका खेल्न सकेन। शान्ति प्रक्रियाका बाँकी काम अझै अधुरै छन्। बेपत्ता नागरिकका परिवारहरू अन्योलमा छन्। शान्ति प्रक्रियालाई टुंगोमा पुर्‍याउन आवश्यक कदम चाल्न सरकारलाई आग्रह गर्छु," उनले भने। प्रधानमन्त्री केपी शर्मा ओलीले भ्रष्टाचारविरुद्ध शून्य सहनशीलताको नीति लिने बताए पनि पछिल्ला भ्रष्टाचार प्रकरणहरूले सरकारलाई नै चुनौती दिएको पाण्डेको भनाइ छ। "प्रधानमन्त्रीले आफू भ्रष्टाचार गर्दिनँ, अरूलाई…

१८ माघ, काठमाडौं – नेपाली कांग्रेसका सभापति शेरबहादुर देउवाले सत्ता साझेदार दलहरूबीच भएको सात बुँदे सहमति कार्यान्वयन गर्ने विषयमा आफ्नो पार्टी प्रतिबद्ध रहेको बताएका छन्। संसद्को हिउँदे अधिवेशनलाई सम्बोधन गर्दै उनले गठबन्धन सरकारको ६ महिनाको कार्यकाल सकारात्मक दिशामा अघि बढिरहेको दाबी गरे। "विगतमा सरकारहरू अस्थिर हुँदा यो गठबन्धन निर्माण भएको हो। हामी नेपाली कांग्रेससहित अन्य राजनीतिक दलहरूको निरन्तर सहयोग रहेको छ। सात बुँदे सहमति कार्यान्वयन गर्न कांग्रेस दृढ छ," उनले भने। सभापति देउवाले संघीय लोकतान्त्रिक गणतन्त्रलाई संस्थागत गर्दै मुलुकमा स्थायित्व र समृद्धि ल्याउने सरकारको लक्ष्य रहेको उल्लेख गरे। उनले भ्रष्टाचार नियन्त्रण, आर्थिक सुधार, तथा दिगो शान्ति स्थापना सरकारका मुख्य प्राथमिकता…

१८ माघ, काठमाडौं – प्रधानमन्त्री केपी शर्मा ओलीले वर्तमान सरकार २०८४ सालसम्म कुनै पनि हालतमा नढल्ने दाबी गरेका छन्। प्रतिनिधिसभाको पाँचौँ अधिवेशनको पहिलो बैठकलाई सम्बोधन गर्दै उनले विपक्षी दलहरूलाई ‘सरकार ढल्नै लाग्यो’ भन्ने हल्ला नगर्न आग्रह गरे। उनले माओवादी केन्द्रका अध्यक्ष पुष्पकमल दाहालको पछिल्लो अभिव्यक्तिको खण्डन गर्दै सरकार सुरक्षित रहेको स्पष्ट पारे। माओवादी अध्यक्ष दाहालले केही दिनयता सरकार छिट्टै ढल्ने दाबी गर्दै आइरहेका छन्। ‘हामीले केही नगरे पनि यो सरकार आफैं ढल्छ,’ भन्ने उनको भनाइलाई लक्षित गर्दै प्रधानमन्त्री ओलीले व्यंग्यात्मक प्रतिक्रिया दिए। ओलीले चर्चित गीत ‘म त ढलेँ ढलेँ...’ को सन्दर्भ उल्लेख गर्दै भने, “विपक्षी दलहरू निरर्थक रूपमा सरकार ढल्ने…

९ माघ, काठमाडौं – नेपाली कांग्रेसका सभापति शेरबहादुर देउवाले सरकारको मुख्य भूमिका व्यवस्थापक र संयोजकको हुनुपर्ने भन्दै व्यापार र उद्योगमा संलग्न नहुने स्पष्ट पारेका छन्। बुधबार सानेपामा आयोजित कांग्रेसको आर्थिक नीति तथा योजना विभागद्वारा आयोजित गोष्ठीमा बोल्दै देउवाले भने, “व्यापार गर्ने काम व्यापारीको हो, उद्योग खोल्ने जिम्मा उद्योगपतिको हो। सरकार व्यापार वा उद्योगमा प्रत्यक्ष रूपमा संलग्न हुनु उचित होइन। गिरिजाबाबुले निजीकरण गर्दा धेरै विरोध भयो, तर त्यो निर्णय सही थियो।” एमसिसी सम्झौता संसदबाट पारित गर्दा भएका विवादको स्मरण गर्दै देउवाले अहिले त्यसले नेपालको विकासमा सकारात्मक योगदान दिएको बताए। उनले भने, “एमसिसी पास गर्दा विरोध भयो, तर अहिले हेर्दा थाहा हुन्छ,…

९ माघ, काठमाडौं – नेपाली कांग्रेसका महामन्त्री गगन थापाले वैदेशिक सहायता नीतिमा राष्ट्रिय सहमति निर्माण गर्नुपर्नेमा जोड दिएका छन्। बुधबार नेपाली कांग्रेसको आर्थिक नीति तथा योजना विभागद्वारा सानेपामा आयोजित गोष्ठीमा बोल्दै थापाले वैदेशिक सहयोगको नीति सरकार बदलिए पनि स्थिर रहनुपर्ने आवश्यकता औंल्याए। उनले भने, “वैदेशिक सहायता नीति जुनसुकै सरकार आए पनि स्थिर रहनुपर्छ। यो नेपालको राष्ट्रिय स्वार्थसँग जोडिएको विषय हो। यदि राजनीतिक दलहरूबीच यसबारे एउटै धारणा बनाउन सक्यौं भने यो नीति प्रभावकारी रूपमा कार्यान्वयन गर्न सकिन्छ। तर, त्यसो गर्न नसक्ने हो भने हरेक नयाँ सरकार डराउने स्थिति सिर्जना हुन्छ।” थापाले वैदेशिक सहायता परिचालनमा राजनीतिक प्रभावलाई न्यून गरी विकासलाई प्राथमिकतामा राख्नुपर्नेमा…

९ माघ, बिराटनगर–नेपाली कांग्रेसका वरिष्ठ नेता शेखर कोइरालाले सरकारले ल्याएको अध्यादेशको विषयवस्तु सकारात्मक रहेको बताएका छन्। बिराटनगरमा बुधबार आयोजित पत्रकार सम्मेलनमा बोल्दै उनले सरकारले जारी गरेका अध्यादेशहरू ठिक र आवश्यक रहेको धारणा राखे। उनले भने, "अध्यादेशको भित्रका विषयवस्तुहरू खराब छैनन्। धेरै अध्यादेशहरू ठिकै छन्, राम्रै छन्। तर, यी अध्यादेश संसदबाट पास गर्नुपर्ने थियो। कांग्रेस र एमालेसँग बहुमत छ, बहुमतले ऐन पास गर्न सक्छ। दुई तिहाइ त चाहिँदैन।" हालै राष्ट्रपति रामचन्द्र पौडेलले सरकारको सिफारिसमा पाँचवटा अध्यादेश जारी गरेका थिए। त्यसैगरी, पार्टी महाधिवेशनको सन्दर्भमा कोइरालाले कांग्रेसको १५औं महाधिवेशन २०८२ साल मंसिरभित्रै सम्पन्न गर्नुपर्नेमा जोड दिए। "महाधिवेशन समयमै गर्नुपर्छ। अझै समय छ। २०८२…

६ माघ, काठमाडौं–नेपाली कांग्रेसका प्रवक्ता प्रकाशशरण महतले माओवादी केन्द्रको अस्थिर चरित्रका कारण कांग्रेस र एमालेबीच सहकार्य भएको बताएका छन्। उनका अनुसार, वर्तमान सरकारले आफ्नो कार्यकाल पूरा गर्नेछ, र आगामी चुनावी सरकारको नेतृत्व कांग्रेस सभापति शेरबहादुर देउवाले गर्नेछन्। आइतबार दिल्लीमा नेपाली जनसम्पर्क समितिले आयोजना गरेको कार्यक्रममा महतले सात बुँदे सहमतिको आधारमा सरकारले काम गरिरहेको स्पष्ट पारे। "कांग्रेस र एमालेबीचको समझदारीले सरकारलाई प्रभावकारी बनाएको छ," उनले भने। भारतमा रहेका नेपालीहरूको योगदानको प्रशंसा गर्दै महतले प्रवासी नेपालीहरूले नेपालको राजनीतिमा अर्थपूर्ण भूमिका खेलेको उल्लेख गरे। उनले भने, "यहाँ रोजगारी र अन्य कारणले बसे पनि तपाईंहरूको भूमिका महत्वपूर्ण छ। निर्वाचनमा सहभागी हुन देश फर्किएर मतदान…

६ माघ, रूपन्देही– सुप्रिम सहकारीको रकम अपचलन प्रकरणमा रवि लामिछाने, छविलाल जोशी, र लक्ष्मी पौडेलसहित ४२ जनाविरुद्ध रूपन्देही जिल्ला अदालतमा मुद्दा दायर गरिएको छ। रवि, छवि र लक्ष्मीविरुद्ध सहकारी ठगी र संगठित अपराधमा १० करोड १९ लाख ३६ हजार रुपैयाँ बिगो मागसहित आइतबार पूरक अभियोग दर्ता गरिएको हो। यसअघि दर्ता भएका २८ प्रतिवादीमध्ये १७ जनाविरुद्ध थप कसुर र बिगोको दाबी गरिएको छ। सरकारी वकिल कार्यालयका अनुसार, गितेन्द्रबाबु राईविरुद्ध ५१ करोड १ लाख ८३ हजार ८ सय ४२ रुपैयाँ बिगो माग गरिएको छ। संचालक दिनेश रोकालाई सहकारी ठगी, संगठित अपराध र सम्पत्ति शुद्धीकरण मुद्दामा मुछिएको छ। प्रहरी अनुसन्धानले सुप्रिम सहकारीका १०…

६ माघ, सर्लाही–नेपाल कम्युनिस्ट पार्टी (एकीकृत समाजवादी)का अध्यक्ष माधवकुमार नेपालले वर्तमान सरकारको कार्यशैलीलाई तानाशाहीपूर्ण भन्दै आलोचना गरेका छन्। सर्लाही सदरमुकाम मलंगवामा आयोजित पत्रकार भेटघाट कार्यक्रममा उनले सरकारले गैरलोकतान्त्रिक आचरण अपनाएको आरोप लगाए। नेता नेपालका अनुसार, मुलुकको राजनीति सही दिशातर्फ उन्मुख हुन नसकेको र सरकार असफलताका दिशामा अघि बढिरहेको छ। उनले दुई ठूला दलहरूले संविधान संशोधनको नाममा सरकार बनाएर जनतालाई भ्रममा पार्न खोजेको टिप्पणी गरे। उनले भने, "जनताको चाहना पूरा हुन सकेको छैन। जनताले सुरक्षा र रोजगारी चाहेका छन्, तर सरकार अधिनायकवादी शासन थोपर्नमै व्यस्त छ।" विचाराधीन विधेयकहरू प्रक्रियाबिना अध्यादेशमार्फत अघि बढाउने सरकारको कदमलाई पनि उनले चर्को आलोचना गरे। अध्यक्ष नेपालले…