१६ मंसिर, काठमाडौं — पूर्वराष्ट्रपति विद्यादेवी भण्डारीले भदौ २३ गते जेनजी प्रदर्शनका क्रममा भएको घटनाको जिम्मा तत्कालीन सरकारले लिनुपर्ने बताएका छिन l सो समयमा नेकपा एमालेका अध्यक्ष केपी शर्मा ओली प्रधानमन्त्री थिए। कान्तिपुर टेलिभिजनको 'फायर साइड' कार्यक्रमसँगको अन्तर्वार्तामा एमालेकी पूर्वउपाध्यक्ष समेत रहेकी भण्डारीले सरकारको नेतृत्वमा रहेका ओलीले नै उक्त घटनाको जिम्मेवारी स्वीकार गर्नुपर्ने टिप्पणी गरेकी हुन्। उनले भनिन्, “त्यो समय सरकार कसको थियो ? घटना त्यही सरकारले चलाइरहेका बेला भएको हो। प्राकृतिक प्रकोप हुँदा पनि सरकारलाई नै व्यवस्थापन न गर्नुभएको भनेर दोष लाग्छ। यहाँ त विद्यार्थीहरूको जुलुसमा सुरक्षा व्यवस्था पर्याप्त नहुँदा ठूलो दुर्घटना भयो। एउटै घटनामा २२ जना ज्यान जानु…
