Breaking News 1 Archives - Page 4 of 39

गोवाको नाइट क्लब आगलागीमा ४ नेपालीको ज्यान गयो

epostnp0 CommentsBreaking News 1, अन्तर्राष्ट्रिय, ताजा खबर, प्रमुख समाचार, समाचार

२२ मंसिर, काठमाडौं — भारतको गोवाको अरपोरा क्षेत्रमा रहेको एक नाइट क्लबमा शनिबार मध्यरात लागेको आगलागीमा चार नेपालीसहित २५ जनाको मृत्यु भएको खुलासा भएको छ। घटनामा ६ जना घाइते भएका छन्। मृत्यु हुनेमध्ये २० जना क्लबका कर्मचारी रहेको र तीमध्ये चार जना नेपाली नागरिक भएको विवरण गोवा सरकारले सार्वजनिक गरेको सूचीमा उल्लेख छ। हिन्दुस्तान टाइम्सका अनुसार आगलागीमा ज्यान गुमाउने नेपालीहरूमा चुर्णबहादुर पुन, विवेक कटवाल, सविन र सुदीप रहेका छन्। उनीहरू नेपालका नागरिक भए पनि ठेगाना खुलाइएको छैन। गोवा सरकारले शव नेपाल पठाउने व्यवस्था मिलाइने जनाएको छ। अधिकारीहरूको भनाइअनुसार क्लबमा नाचगान भइरहेको बेला इलेक्ट्रोनिक फायरक्राकर चलाउँदा आगो लागेको हो। साँघुरा बाटोका…

पोखरा अनियमितता: ५ मन्त्रीसमेत ५५ जनामाथि मुद्दा, मृतक बोगटी र बिरामी डा. महत पनि विपक्षी

epostnp0 CommentsBreaking News 1, ताजा खबर, प्रमुख समाचार, समाचार

२१ मंसिर, काठमाडौं — अख्तियार दुरुपयोग अनुसन्धान आयोगले पोखरा अन्तर्राष्ट्रिय विमानस्थल निर्माणमा भएको अनियमितता प्रकरणमा तत्कालीन पाँच मन्त्रीसहित ५५ जनाविरुद्ध भ्रष्टाचार मुद्दा दायर गरेको छ। मुद्दामा विपक्षी बनाइएका मन्त्रीहरूमा डा. रामशरण महत, पोस्टबहादुर बोगटी, रामकुमार श्रेष्ठ, भीम आचार्य र दीपक अमात्य छन्। मुद्दामा तत्कालीन १० सचिवसहित नागरिक उड्डयन प्राधिकरणका महानिर्देशक प्रदीप अधिकारीसमेत प्रतिवादी छन्। सरसापट करिब आठ अर्ब रूपैयाँ माग गरिएको मुद्दामा १२ वर्षअघि निधन भएका तत्कालीन मन्त्री पोस्टबहादुर बोगटीलाई समेत प्रतिवादी बनाइएको छ। बोगटीको २०७१ भदौ ३० गते हृदयघातका कारण मृत्यु भएको थियो। कांग्रेस नेता तथा पूर्वअर्थमन्त्री डा. रामशरण महत पनि प्रतिवादी सूचीमा छन्। नेपालको अर्थनीति रूपान्तरणमा महत्वपूर्ण भूमिका…

पोखरा अन्तर्राष्ट्रिय विमानस्थलमा भ्रष्टाचार: पूर्वमन्त्रीसहित ५६ जनामाथि मुद्दा दायर हुने

epostnp0 CommentsBreaking News 1, ताजा खबर, प्रमुख समाचार, समाचार

२१ मंसिर, काठमाडौं — पोखरा अन्तर्राष्ट्रिय विमानस्थल निर्माणमा भएको भनिएका अनियमितता तथा भ्रष्टाचार प्रकरणमा पाँच पूर्वमन्त्रीसहित उच्च अधिकारीहरूविरुद्ध मुद्दा चलाउने तयारी भएको छ। अख्तियार दुरुपयोग अनुसन्धान आयोगले विशेष अदालतमा अभियोग दायर गर्ने अन्तिम प्रक्रिया अघि बढाएको हो। स्रोतका अनुसार सचिव मधु मरासिनी, सुशील घिमिरे, सुरेशमान श्रेष्ठ, सुमनप्रसाद शर्मा र भेषराज शर्मा प्रतिवादीको सूचीमा छन्। यस्तै, सहसचिव रञ्जनकृष्ण अर्याल, मोहनकृष्ण सापकोटा, लोकबहादुर खत्री र सुरेश आचार्यसमेत मुद्दामा प्रतिवादी बनाउन लागिएको छ। सञ्चालक समिति सदस्य मनरुप शाही, नागरिक उड्डयन प्राधिकरणका सदस्य ज्योति अधिकारी, मनोज कार्की, फुर्वा छिरिङ शेर्पा, सदस्यसचिव मदन खरेल, मुक्तिनारायण पौडेल र सूर्यप्रसाद आचार्यसमेत विपक्षी बनाइनेछन्। पाँच पूर्वमन्त्री—भीम आचार्य, रामकुमार…

गृहजिल्ला पुगेका जनार्दन शर्मालाई युवाहरूको कालो झण्डा

epostnp0 CommentsBreaking News 1, कर्णाली प्रदेश, ताजा खबर, प्रमुख समाचार, राजनीति, समाचार

२१ मंसिर, काठमाडौं — नेकपा माओवादी केन्द्रबाट अलग भएर प्रगतिशील लोकतान्त्रिक पार्टी (प्रलोपा) गठन गरेका जनार्दन शर्मा ‘प्रभाकर’ गृहजिल्ला रुकुम पश्चिम पुगेसँगै विरोध प्रकट भएको छ। खलंगामा स्थानीय कार्यकर्ताहरूले शर्माविरुद्ध कालो झण्डा प्रदर्शन गरेका हुन्। सम्भावित तनाव रोक्न प्रहरीले सुरक्षा व्यवस्था थप कडा पारेको थियो। शर्मा आज बिहान काठमाडौंबाट नेपाल एयरलाइन्सको विमानमार्फत रुकुम पश्चिम पुगेका थिए। विमानस्थलबाट बाहिर निस्कने क्रममा केही युवाहरूले कालो झण्डा उठाएर उनको विरोध गरेका हुन्।

एमालेमा प्रतिनिधि छनोट विवाद : च्यासलमा कार्यकर्ताबीच झडप

epostnp0 CommentsBreaking News 1, ताजा खबर, प्रमुख समाचार, राजनीति, समाचार

१९ मंसिर, काठमाडौं − नेकपा एमालेको केन्द्रीय कार्यालय च्यासलमा शुक्रबार पार्टीका कार्यकर्ताबीच एकअर्कामाथि हात हालाहालसम्म पुग्ने तनावपूर्ण स्थिति उत्पन्न भयो। आदिवासी जनजाति लोकतान्त्रिक महासंघका केही सदस्य महाधिवेशन प्रतिनिधि छनोटप्रति असन्तुष्टि व्यक्त गर्न दिउँसो च्यासलस्थित केन्द्रीय कार्यालय पुगेका थिए। उनीहरूले संगठन विभाग प्रमुख काशीनाथ अधिकारी र स्थायी कमिटी सदस्य भानुभक्त ढकालसँग भेटेर आफ्ना गुनासो सुनाइरहेका बेला अर्को समूहसँग झडप भएको हो। एमालेको महाधिवेशन उद्घाटन मंसिर २७ गते भक्तपुरको सल्लाघारीमा तय गरिएको छ र देशभरबाट प्रतिनिधि छनोट प्रक्रिया सकिएको छ। त्यसै प्रक्रियामा लोकतान्त्रिक विधि पूरा नभएको भन्दै असन्तुष्ट महासंघका नेताहरू च्यासल पुगेका थिए। भेटका क्रममा उनीहरूले डेढ वर्षसम्म प्रक्रिया मिलाइएन भन्दै कडा…

नलिन्चोक हेलिप्याड विवादः प्राधिकरण डीजी अधिकारी पक्राउ

epostnp0 CommentsBreaking News 1, ताजा खबर, प्रमुख समाचार, समाचार

१७ मंसिर, काठमाडौं — नागरिक उड्डयन प्राधिकरणका महानिर्देशक (डीजी) प्रदीप अधिकारीलाई अख्तियार दुरुपयोग अनुसन्धान आयोगले बुधबार पक्राउ गरेको छ। भक्तपुरको नलिन्चोकस्थित हेलिप्याड निर्माणमा अनियमितता भएको आरोपमा उहाँलाई नियन्त्रणमा लिइएको हो। अख्तियारले नलिन्चोक हेलिप्याड निर्माणसम्बन्धी प्रकरणमा अधिकारीसहित अन्य सम्बन्धित व्यक्तिमाथि अनुसन्धान अघि बढाउँदै सोहि दिन विशेष अदालतमा भ्रष्टाचार मुद्दा दायर गरेको छ। प्राधिकरणको स्वामित्वमा रहेको ३२ रोपनी जग्गामा हेलिप्याड निर्माण गर्नेसमयमा अनियमितता भएको भन्दै परेको उजुरीका आधारमा अनुसन्धान गरिएको हो। नलिन्चोकमा हेलिप्याड निर्माणको औचित्यमाथि पनि निरन्तर प्रश्न उठ्दै आएको छ। वातावरणीय प्रभाव मूल्यांकन (EIA) नगरी हेलिप्याड निर्माण गरिएको आरोप समेत उजुरीमा उल्लेख गरिएको थियो। यस हेलिप्याडको उद्घाटन ७ असार २०८१ मा…

एकै बैठकमा सरकारका बहुआयामिक निर्णय सार्वजनिक

epostnp0 CommentsBreaking News 1, अन्तर्वार्ता, ताजा खबर, प्रमुख समाचार, समाचार

१६ मंसिर, काठमाडौं− सरकारले कार्बन व्यापार नियमावली, २०८२ स्वीकृत गरेको जानकारी मंगलवार मन्त्रीपरिषद्का निर्णय सार्वजनिक गर्दै सरकारका प्रवक्ता तथा सञ्चार तथा सूचना प्रविधिमन्त्री जगदीश खरेलले दिएका छन्। उक्त निर्णय सोमबार बसेको मन्त्रिपरिषद् बैठकमा पारित गरिएको हो। साथै, सरकारका प्रवक्ताका अनुसार सरकारले राष्ट्रिय आर्थिक गणना सञ्चालनसम्बन्धी प्रशासनिक तथा आर्थिक मापदण्ड, २०८२ पनि स्वीकृत गरेको छ। उनका जानकारीअनुसार २०८२ भदौ २३ र २४ गतेको आन्दोलनका क्रममा सार्वजनिक सम्पत्ति, भौतिक संरचना तथा निजी प्रतिष्ठानमा भएको क्षति मूल्याङ्कन गर्न तथा सार्वजनिक संरचनाको पुनर्निर्माण योजना तयार गर्न गठन गरिएको समितिको कार्यावधि थप ३० दिन पुर्‍याउने निर्णय पनि भएको छ। त्यस्तै, भूपाल बराललाई कर्मचारी सञ्चय कोषको…

नेतृत्व पुस्तान्तरण आवश्यकता अनुसार हुन्छ : ओली

epostnp0 CommentsBreaking News 1, ताजा खबर, प्रमुख समाचार, राजनीति, समाचार

१४ मंसिर, काठमाडौं − नेकपा एमालेका अध्यक्ष केपी शर्मा ओलीले पार्टीभित्र नेतृत्व हस्तान्तरण र पुस्तान्तरण स्वभाविक विषय भएको बताएका छन्। उनका अनुसार, समयको मागअनुसार यस्तो प्रक्रिया स्वतः अघि बढ्ने भएकाले लगातार बल दिएर भन्नुपर्ने विषय होइन। आइतबार च्यासलस्थित पार्टी केन्द्रीय कार्यालयमा आयोजित लोगो सार्वजनिक कार्यक्रममा बोल्दै ओलीले भने, “अधिवेशन हुँदा कमिटीमा केही साथी हट्छन्, नयाँहरू आउँछन्—यो सामान्य प्रक्रिया हो। पुनर्गठन हुन्छ, हस्तान्तरण र पुस्तान्तरण पनि हुन्छ। यो नहुने भनेर कसैले रोक्न पनि सक्दैन। आवश्यकताअनुसार नै यी सबै प्रक्रिया अघि बढ्छन्।” उनले अधिवेशनको आवश्यकता पनि यही कारणले पर्ने उल्लेख गरे। “अधिवेशन विधि–विधान, संगठनात्मक र नीतिगत विषय, राजनीतिक कार्यको समीक्षा तथा आगामी…

राष्ट्रपति पौडेल: लोकतन्त्र सुदृढ गर्न नयाँ जनादेश आवश्यक

इ-पोस्ट नेपाल0 CommentsBreaking News 1, ताजा खबर, प्रमुख समाचार, समाचार

३ असोज, काठमाण्डौं – राष्ट्रपति रामचन्द्र पौडेलले जेन-जी आन्दोलनपछि उत्पन्न राजनीतिक परिस्थितिमा प्रतिनिधिसभाबाट मन्त्रिपरिषद् गठन गर्ने कुनै उपाय बाँकी नरहेको बताएका छन्। संविधान दिवसको अवसरमा शुक्रबार राष्ट्रपति कार्यालयले आयोजना गरेको चियापान समारोहलाई सम्बोधन गर्दै उनले हालको अन्तरिम सरकार आम सहमतिका आधारमा गठन गरिएको बताएका हुन्। राष्ट्रपति पौडेलले भने, “प्रतिनिधिसभाबाट मन्त्रिमण्डल गठन गर्ने कुनै उपाय नभएकोले आम सहमतिबाट यो कदम चालिएको कुरा सबैले बुझौं। ६ महिनाभित्र प्रतिनिधिसभा ल्याउने चुनाव सम्पन्न गर्न सबै जागौं।” उनले नयाँ जनादेशले लोकतन्त्रलाई थप संस्थागत गर्ने विश्वास पनि व्यक्त गरे। उनले भने, “अहिले बनेको अन्तरिम सरकारले राष्ट्रिय क्षतिको पुनर्निर्माण गर्दै ६ महिनामा निर्वाचन सम्पन्न गरी जनप्रतिनिधिमूलक संस्थालाई…

जेन–जी आन्दोलनपश्चात् निकास दिन राष्ट्रपतिको पहल उल्लेखनीय: प्रचण्ड

इ-पोस्ट नेपाल0 CommentsBreaking News 1, ताजा खबर, प्रमुख समाचार, राजनीति, समाचार

३ असोज, काठमाडौं – नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले संविधान रक्षाका लागि राष्ट्रपति रामचन्द्र पौडेलले अप्ठ्यारो परिस्थितिमा पनि देखाएको दृढताप्रति कृतज्ञता प्रकट गरेका छन्। संविधान दिवसको अवसरमा शुक्रबार पेरिसडाँडामा आयोजित कार्यक्रममा उनले भदौ २३ र २४ गते जेन–जी आन्दोलनपछि उत्पन्न परिस्थितिमा राष्ट्रपतिले निर्वाह गरेको भूमिकाको खुलेर प्रशंसा गरेका हुन् । “राष्ट्रपतिजी निकै अप्ठ्यारो अवस्थामा संविधान जोगाउन दृढतापूर्वक उभिनुभयो। उहाँ त्यस्तो कदम चाल्नु नभएको भए अहिलेको अवस्था अर्कै हुन्थ्यो,” प्रचण्डले भने, “त्यसैले उहाँलाई धन्यवाद छ।” जेन–जी आन्दोलनपछि केपी शर्मा ओली नेतृत्वको सरकार पतन भएको थियो। त्यसपछि अन्तरिम सरकार गठनको पहलस्वरूप राष्ट्रपतिले विभिन्न दल तथा आन्दोलन पक्षधरहरूसँग संवाद…