३ असोज, काठमाडौं – एमाले अध्यक्ष एवं हालका निवर्तमान प्रधानमन्त्री केपी शर्मा ओलीले आफ्नो राजीनामापछि सार्वजनिक तथा निजी सम्पत्तिलाई लक्षित गर्दै आगजनी गरिएको बताएका छन्। संविधान दिवसको अवसरमा शुक्रबार शुभकामना सन्देश दिँदै उनले पदत्यागपश्चात् पहिलोपटक प्रत्यक्ष प्रतिक्रिया दिएका हुन्। संविधानलाई नियोजित रूपमा आक्रमण गर्ने प्रयास भइरहेको दाबी गर्दै ओलीले भने, “प्रधानमन्त्रीबाट मेरो राजीनामापछि सिंहदरबार जलाइयो, नेपालको नक्सा जलाइयो, देशको पहिचान मेटाउन खोजियो। राजनीतिक दलका कार्यालय, जनप्रतिनिधि संस्था, न्यायालय, व्यापारिक प्रतिष्ठानदेखि नेताकार्यकर्ताका घर र व्यक्तिगत सम्पत्ति समेत छानीछानी खरानी बनाइयो।” देश वास्तवमै निर्माणतर्फ गइरहेको थियो वा बिग्रँदै गएको भन्ने कुरा भविष्यमा नयाँ पुस्ताले आफैं आकलन गर्ने उनको भनाइ छ। उनले भने,…
१६ चैत, काठमाडौं — नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले सरकारलाई निरंकुशतावादी र आपराधिक प्रवृत्तिमाथि कठोर कारबाही गर्नुपर्ने समय आएको बताएका छन्। शनिबार (चैत १६) काठमाडौंमा प्रेस सेन्टर नेपालको पाँचौँ महाधिवेशन उद्घाटन गर्दै उनले सरकारको कडा कदमलाई आफूहरूको पूर्ण समर्थन रहने बताए। "यो उपयुक्त समय हो," प्रचण्डले भने, "गणतन्त्रवादीहरूले निरंकुश प्रवृत्तिमाथि कडा कारबाही गरेर आफूलाई सुधार्ने र जनताको हितमा अघि बढ्ने अवसर यही हो। सरकारले यदि कठोर निर्णय लिन्छ भने हाम्रो साथ रहनेछ।" उनले भ्रष्टाचारविरुद्ध सरकार दृढ हुनुपर्नेमा जोड दिँदै सम्झौता र चलखेलले गणतन्त्रलाई कमजोर पार्ने चेतावनी दिए। समाजवादी मोर्चाको प्रदर्शनले सम्भावित दुर्घटना टारेको दाबी प्रचण्डले समाजवादी मोर्चाले शुक्रबार…
१६ चैत, काठमाडौं — राजावादी प्रदर्शनका क्रममा तोडफोड, आगजनी र लुटपाटमा संलग्न भएको आरोपमा पक्राउ परेका राष्ट्रिय प्रजातन्त्र पार्टी (राप्रपा) का सांसद धवलशमशेर जबराको विषयमा प्रहरीले सभामुख देवराज घिमिरेलाई पत्र पठाएको छ। जिल्ला प्रहरी परिसर काठमाडौंले सांसद जबरा फौजदारी अभियोगमा पक्राउ परेको जानकारी गराउँदै संसद् सचिवालयलाई औपचारिक पत्र पठाएको हो। संसद् सचिवालयका प्रवक्ता एकराम गिरीका अनुसार संविधानको व्यवस्थाअनुसार सांसद पक्राउ परे सभामुखलाई सूचित गर्नुपर्ने भएकाले सो पत्र प्राप्त भएको छ। संविधानको धारा १०३ (६) मा व्यवस्था गरिएको छ कि संसद्को अधिवेशन जारी रहेका बेला कुनै पनि सदस्यलाई फौजदारी अभियोगमा संघीय कानुनबमोजिम पक्राउ गर्न पाइन्छ, तर त्यसबारे सभामुखलाई तुरुन्त जानकारी गराउनुपर्छ।…
१६ चैत, काठमाडौं — गृहमन्त्री रमेश लेखकले राजावादी आन्दोलनको नाममा भएको हिंसात्मक आक्रमणलाई आपराधिक कार्यको संज्ञा दिँदै संलग्नहरूमाथि कानुनी कारबाही हुने बताएका छन्। शनिबार एकीकृत समाजवादीको केन्द्रीय कार्यालय आलोकनगरमा सञ्चारकर्मीहरूसँग कुरा गर्दै उनले जनधनको क्षति गर्ने तत्वहरूमाथि विस्तृत अनुसन्धान गरी कडा कारबाहीको प्रतिबद्धता जनाए। शुक्रबार राजधानीको तीनकुने क्षेत्रमा राजावादीहरूले आयोजना गरेको आन्दोलन उग्र बन्दा दुईजनाको मृत्यु भएको थियो भने सार्वजनिक तथा निजी सम्पत्तिमा तोडफोड र आगजनी भएका थिए। आक्रमणकारीहरूले नेकपा (एकीकृत समाजवादी) को पार्टी कार्यालयमा समेत आगजनी गरेको गृहमन्त्री लेखकले पुष्टि गरे। गृहमन्त्री लेखकले आन्दोलन कुनै राजनीतिक दर्शन, सिद्धान्त वा चेतनासँग सम्बन्धित नभई योजनाबद्ध आक्रमण भएको बताए। "घरभित्र मानिसहरू रहेको…
१६ चैत, काठमाडौं — सरकारको नेतृत्व गरिरहेको नेकपा एमालेका महासचिव शंकर पोखरेलले राजावादी आन्दोलन हिंसात्मक र अराजक भएको भन्दै आपराधिक गतिविधिमा संलग्न तथा त्यसका लागि निर्देशन दिनेहरूमाथि कडा कारबाहीको माग गरेका छन्। उनले आन्दोलनका नाममा नियोजित रूपमा आपराधिक समूह परिचालित गरिएको दाबी गर्दै पीडितलाई राज्यबाट उचित सम्बोधन आवश्यक रहेको बताएका छन्। शनिबार पोखरेलले भने, "जनतालाई आतंकित बनाउने, आपराधिक घटनामा संलग्न हुने र त्यसलाई उक्साउने तथा निर्देशन दिने सबैलाई अविलम्ब कानुनी दायरामा ल्याउनुपर्छ।" उनले शुक्रबार राजधानीमा भएका दुई छुट्टाछुट्टै प्रदर्शनको तुलनात्मक समीक्षा गर्दै समाजवादी मोर्चाको प्रदर्शन शान्तिपूर्ण र सन्देशमूलक रहेको बताए। विपरीत रूपमा राजावादीहरूको आन्दोलन उग्र, प्रतिशोधात्मक र अराजक बनेको भन्दै…
१६ चैत, काठमाडौं — काठमाडौंको तीनकुने क्षेत्रमा शुक्रबार राजावादीहरूले आयोजना गरेको प्रदर्शन हिंसात्मक बन्दै जाँदा विभिन्न निजी तथा सार्वजनिक सम्पत्तिमाथि आगजनी, तोडफोड र लुटपाटका घटनाहरू भएका छन्। प्रदर्शनका क्रममा मिडिया हाउस, सरकारी कार्यालय, राजनीतिक दलका कार्यालय, सपिङ मल, सार्वजनिक सवारीसाधन तथा सर्वसाधारणका घरमा आक्रमण भएको छ। यस घटनाप्रति प्रमुख राजनीतिक दलहरूले आपत्ति जनाउँदै दोषीमाथि कडा कारबाहीको माग गरेका छन्। राजनीतिक दलहरूको एकस्वरमा भर्त्सना नेपाली कांग्रेस, नेकपा एमाले, माओवादी केन्द्र, एकीकृत समाजवादी लगायतका दलहरूले विज्ञप्ति जारी गर्दै प्रदर्शनका नाममा भएको हिंसात्मक गतिविधिलाई गम्भीर रूपमा लिएका छन्। कांग्रेसका महामन्त्रीद्वय गगन थापा र विश्वप्रकाश शर्माले विज्ञप्ति जारी गर्दै शान्तिपूर्ण प्रदर्शनको नाममा भएको हिंसा…
१६ चैत, काठमाण्डौं — माओवादी अध्यक्ष पुष्पकमल दाहालले शुक्रबारको राजावादी प्रदर्शनलाई अराजकताको पराकाष्ठा भन्दै कडा आलोचना गरेका छन्। उनले भने, "राजावादीहरूले राजनीतिक दलहरूको उदारतालाई कमजोरी ठानेर गल्ती गरे, र त्यसको परिणाम भोग्नुपर्ने चेतावनी पनि उनले दिएका छन्।" समाजवादी मोर्चाले काठमाण्डौमा आयोजना गरेको जनसभामा दाहालले राजावादीको आन्दोलनको कडा शब्दमा निन्दा गर्दै, "यदि पूर्वराजाले अझै गल्ती गरे भने परिणाम भोग्न केही पनि बाँकी रहने छैन," भने। उनले आगामी शान्तिपूर्ण आन्दोलनको तयारी गर्नका लागि माओवादीलाई आग्रह गर्दै भने, "हामीले शान्तिपूर्वक संघर्षका माध्यमबाट जनताको पक्षमा संघर्ष गर्नुपर्ने अवस्था आएको छ।" राजावादीलाई पञ्चायती मण्डलेको संज्ञा दिने दाहालले भने, "हामी अराजकता मच्चाउने मण्डलेलाई छुट दिन्ने छैनौं।…
१६ चैत, काठमाण्डौं — शुक्रवारको दिन काठमाडौंको विभिन्न स्थानमा राजावादी समर्थकद्वारा आयोजित प्रदर्शनले हिंसात्मक रुप लिएको छ। प्रदर्शनका क्रममा १४ स्थानमा आगजनी र ९ वटा संस्था तथा कार्यालयमा तोडफोड गरिएको छ। यसैबीच, कोटेश्वरस्थित भाटभटेनी सुपरमार्केटमा ठूलो मात्रामा लुटपाट भएको पुष्टि भएको छ। पूर्वराजा ज्ञानेन्द्र शाहका समर्थकद्वारा काठमाण्डौको तीनकुने क्षेत्रमा शान्तिपूर्ण प्रदर्शनका लागि पूर्वअनुमति लिइएको थियो। नवराज सुवेदीको नेतृत्व र दुर्गा प्रसाईको संयोजकत्वमा आयोजित यस प्रदर्शनको दौरान निजी सम्पत्ति, अस्पताल, संचारगृह, राजनीतिक दलका कार्यालय तथा व्यापारिक केन्द्रहरूमा हिंसात्मक गतिविधि र तोडफोडका घटना भएका छन्। जिल्ला प्रहरी परिसर, काठमाडौंका अनुसार यस किसिमका अपराधिक घटनामा संलग्न व्यक्तिहरुलाई कारबाही गर्ने प्रक्रिया जारी रहेको छ।…
१८ माघ, काठमाडौं – राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले सरकार नै भ्रष्टाचार र भ्रष्टाचारीहरूको संरक्षणमा लागेको आरोप लगाएका छन्। शुक्रबार प्रतिनिधिसभा बैठकमा बोल्दै उनले अहिलेसम्मको अवस्था हेर्दा सरकार भ्रष्टाचार रोक्नभन्दा पनि भ्रष्टाचारीलाई जोगाउन सक्रिय देखिएको बताए। "प्रधानमन्त्री केपी शर्मा ओलीकै वरिपरिका व्यक्तिहरूले विभिन्न पदहरूमा करोडौं रुपैयाँको अफर गरिरहेका छन्। प्रधानमन्त्रीले 'म भ्रष्टाचार गर्दिनँ, गर्न दिन्नँ' भन्नुहुन्छ, तर उहाँकै वरिपरिकाले गरिरहेका छन्," लिङ्देनले आरोप लगाए। प्रधानमन्त्री ओलीले संसद् बैठकमा आफूले भ्रष्टाचार नगरेको प्रमाणित गर्न चुनौती दिएका थिए। उनले "कसैसँग प्रमाण छ भने ल्याओस्," भन्दै आफू स्वच्छ रहेको दाबी गरेका थिए। तर, लिङ्देनले भने सरकारको कार्यशैलीले भ्रष्टाचारलाई बढावा दिएको स्पष्ट…
१८ माघ, काठमाडौं – नेपाल कम्युनिस्ट पार्टी (एमाले)का सांसद योगेशकुमार भट्टराईले संसद्को बैठकलाई प्रभावकारी बनाउन सरकारका तर्फबाट प्रस्तुत दिशानिर्देशलाई पूर्ण रूपमा कार्यान्वयन गर्नुपर्ने बताएका छन्। प्रतिनिधिसभाको शुक्रबारको बैठकमा आफ्नो दलको तर्फबाट धारणा राख्दै उनले मुलुकको आवश्यकतालाई प्राथमिकतामा राख्दै संसद्को यस अधिवेशनमा ४० वटा विधेयक प्रभावकारी रूपमा अघि बढाउन सकिने विश्वास व्यक्त गरे। "वर्तमान सरकार गठन भएको छ महिनाको अवधिमा जनअपेक्षालाई सम्बोधन गर्दै परिणाममुखी निष्कर्ष निकाल्ने प्रयास भइरहेको छ। यस अवधिमा जनतामा आशा जगाउने कार्य भएको छ, अर्थतन्त्रमा सुधार देखिएको छ," उनले दाबी गरे। सरकारले पछिल्लो समय ल्याएका केही अध्यादेशहरूले लगानी विस्तारको वातावरण बनाएको उल्लेख गर्दै उनले "विगतमा पनि यस्ता अभ्यासहरू…